Sonila Hysi

Këshilltar në Kabinetin e Ministrit të Mbrojtjes
2025 -

Këshilltar pranë Kabinetit të Ministrit të Mbrojtjes që prej janar 2025.

Zj. Sonila Hysi ka një përvojë të gjatë drejtuese prej mbi 20 vitesh, duke dhënë një kontribut të rëndësishëm në forcimin e kapaciteteve institucionale dhe realizimin e plotë të objektivave të tyre.

Me një karrierë të spikatur si në sektorin privat ashtu edhe në administratën publike, ajo ka mbajtur pozicione kyçe në menaxhimin financiar dhe kontabilitetin e kompanive tregtare private nga viti 2009 deri në 2014. Në vitin 2014, iu bashkua Administratës Publike përmes Ministrisë së Financave dhe Ekonomisë, ku për një periudhë 4 - vjeçare drejtoi Drejtorinë Mbështetëse të Zyrtarit Kombëtar Autorizues, përgjegjëse për menaxhimin financiar dhe kontrollin e brendshëm të Programeve të Bashkimit Evropian IPA dhe IPARD në Shqipëri. Gjatë drejtimit të saj, Shqipëria arriti të siguronte akreditimin për Programin IPARD II dhe IPA II në menaxhim indirekt.

Në vitin 2020, ajo u emërua Drejtore Ekzekutive e Agjencisë Kombëtare të Diasporës (AKD), ku drejtoi strategjinë dhe menaxhimin operativ të agjencisë. Gjatë kësaj periudhe, Zj. Hysi demonstroi aftësi të forta drejtuese, vendimmarrje efektive dhe menaxhim të ekipeve me performancë të lartë.

Gjithashtu, ka mbajtur pozicionin e Drejtoreshës së Kabinetit në Autoritetin Mbikëqyrës Financiar (AMF) dhe më pas ka drejtuar Shtypshkronjën e Letrave me Vlerë, një institucion pranë Ministrisë së Financave. Aktualisht, ajo mban rolin e Këshilltares në Kabinetin e Ministrit të Mbrojtjes.

Arsimi dhe Kualifikimet

Zj. Hysi është diplomuar në vitin 2009 në degën Financë nga State University of New York/Empire State College. Në vitin 2012, përfundoi Masterin Shkencor në Administrim Biznesi pranë Institut Universitaire Kurt Bösch (IUKB), Zvicër. Aktualisht, është kandidate për PhD në Universitetin e Sofjes “Shën Kliment Ohridski”.

Ajo ka ndjekur një sërë kualifikimesh dhe trajnimesh nga institucionet më prestigjioze, duke përfshirë:
 - “Programi Ekzekutiv për Rritjen Ekonomike Udhëheqëse” në Harvard Business School (2012)
 - “Mikroekonomia dhe Konkurrenca” në Harvard Kennedy School (2016)
 - “Administrata Publike dhe Aftësia e Administrimit”, organizuar nga Ministria e Tregtisë e Republikës Popullore të Kinës (2018)

Me një kombinim të ekspertizës në sektorin publik dhe privat, si dhe një angazhim të vazhdueshëm në zhvillimin profesional, me një ndikim të rëndësishëm në fushat e menaxhimit strategjik dhe zhvillimit institucional.

This email address is being protected from spambots. You need JavaScript enabled to view it.