Amarildo Kupi

Këshilltar pranë ministrit të Mbrojtjes
2026 -

Amarildo Kupi është këshilltar i Ministrit të Mbrojtjes për marrëdhëniet me jashtë dhe marrëdhëniet ndërinstitucionale që prej majit të vitit 2026.

Në këtë detyrë ai mbështet Ministrin e Mbrojtjes në koordinimin e marrëdhënieve institucionale me partnerët kombëtarë dhe ndërkombëtarë, si dhe kontribuon në ndjekjen e proceseve të bashkëpunimit ndërinstitucional në fushën e diplomacisë së nevojshme për sigurinë kombëtare.

Ai angazhohet gjithashtu në koordinimin me organizata dhe partnerë ndërkombëtarë në kuadër të prioriteteve strategjike të Ministrisë së Mbrojtjes dhe procesit të integrimit të Republikës së Shqipërisë në Bashkimin Evropian.

Para emërimit në këtë detyrë, z. Kupi ka ushtruar funksionin e këshilltarit të Ministrit të Drejtësisë, ku ka mbuluar marrëdhëniet ndërinstitucionale dhe koordinimin me partnerët ndërkombëtarë, duke kontribuar në ndjekjen e çështjeve me karakter integrues në Bashkimin Evropian.

Z. Kupi është diplomuar në Universitetin e Sussex në Mbretërinë e Bashkuar në programin Bachelor në Shkenca Politike dhe Marrëdhënie Ndërkombëtare. Ai ka përfunduar studimet Master Shkencor në Politika Europiane dhe Ndërkombëtare pranë London School of Economics and Political Science (LSE), në Mbretërinë e Bashkuar.

Gjatë formimit të tij akademik ai është profilizuar në marrëdhënie ndërkombëtare, diplomaci dhe politika evropiane e ndërkombëtare, me fokus të veçantë në marrëdhëniet ndërmjet shteteve dhe dimensionin ndërkombëtar të politikave të sigurisë.

Ai zotëron gjithashtu një kualifikim profesional në programin “Lufta kundër Migracionit të Paligjshëm” pranë London School of Economics and Political Science (LSE).

Z. Amarildo Kupi zotëron gjuhën angleze.

This email address is being protected from spambots. You need JavaScript enabled to view it.