Ministria e Mbrojtjes do të organizojë më 11 qershor, në Tiranë Ditën e Industrisë, një aktivitet që ka për qëllim të prezantojë për kompanitë shqiptare rrugët për t’u bërë pjesë e proceseve të prokurimit me agjencitë e NATO-s dhe Departamentin e Mbrojtjes së SHBA (DoD), duke kontribuar në fushën e projekteve të rëndësishme për sigurinë kolektive të Aleancës.
Në këtë aktivitet ftohen kompanitë e biznesit të njihen nga afër me veprimtarinë kryesore të dy agjencive të NATO-s, NATO Support and Procurement Agency (NSPA), NATO Communication and Information Agency (NCIA) si dhe Departamentin e Mbrojtjes së SHBA (DoD).
Gjithashtu do të prezantohen procedurat e prokurimit, legjislacioni dhe kushtet/kriteret që duhet të plotësojnë operatorët ekonomikë në Shqipëri për të marrë pjesë në prokurimet ndërkombëtare, si dhe rritja e bashkëveprimit, shkëmbimi i informacionit dhe ndërveprimi nëpërmjet operatorëve ekonomikë dhe agjencive të NATO-s.
Në aktivitetin që do të organizohet nga Ministria e Mbrotjes do të adresojë tek partnerët e biznesit qasjen e saj për rijetësimin e industrisë së mbrojtjes. Aktiviteti do të zhvillohet pranë Qendrës së Inovacionit së Sigurisë dhe Mbrojtjes.
Gjeni njoftimin e plotë dhe formularin e aplikimit në këtë link: Ftesë për pjesëmarrje në Ditën e Industrisë
