Ministri Nufi nderon dëshmorët: Mirënjohje për bijtë që vendosën Shqipërinë mbi gjithçka

Ministri i Mbrojtjes, Ermal Nufi mori pjesë sot në homazhet zyrtare të zhvilluara me rastin e 5 Majit, Ditës së Dëshmorëve të Atdheut, duke nderuar kujtimin e të rënëve për lirinë e vendit.

Fotogaleria

Në ceremoninë e zhvilluar, ku të pranishëm ishin edhe presidenti i Republikës Bajram Begaj, kryeministri Edi Rama, nënkryetarja e Kuvendit Klodiana Spahiu, drejtuesit e shtetit vendosën kurora me lule dhe u përkulën me respekt para monumentit “Nëna Shqipëri”.

Në mesazhin e tij, ministri i Mbrojtjes shprehu respekt dhe mirënjohje të thellë për sakrificën sublime të dëshmorëve, duke theksuar se ata që dhanë jetën për Atdheun mbeten frymëzim i përhershëm për brezat.

“Lavdi përjetë dëshmorëve të Atdheut! Nderojmë me respekt sakrificën e tyre dhe shprehim mirënjohje për bijtë që vendosën Shqipërinë mbi gjithçka.” - u shpreh ministri i Mbrojtjes.

5 Maji mbetet një ditë reflektimi dhe mirënjohjeje për të gjithë ata që sakrifikuan jetën për lirinë e Shqipërisë, duke u konsideruar si themel i identitetit kombëtar dhe i së ardhmes europiane të vendit.