Ministri Nufi në Komandën Mbështetëse: Rritje e investimeve logjistike, infrastrukturore dhe kapitalit njerëzor

e enjte, 25 qershor 2026 22:14

Komanda Mbështetëse luan rol kyç në të gjitha veprimtaritë dhe emergjencat ku angazhohen efektivët e Forcave të Armatosura.

Gjatë vizitës në këtë strukturë, ministri i Mbrojtjes, z. Ermal Nufi nënvizoi se fokusi mbetet i pandërprerë për rritjen e investimeve logjistike, infrastrukturore dhe kapitalit njerëzor, duke forcuar njëkohësisht kapacitetet në zvogëlimin e riskut nga fatkeqësitë, rritjen e gatishmërisë, reagimin efektiv dhe sa më pranë qytetarëve në përballimin e emergjencave të ndryshme civile, situatat e zjarreve dhe operacionet humanitare.