Ministri Nufi, në pritjen për Ditën e Republikës së Turqisë: Partneritet strategjik dhe bashkëpunim i ngushtë në fushën e mbrojtjes dhe sigurisë
Ministri i Mbrojtjes, Ermal Nufi mori pjesë në pritjen e organizuar nga Ambasada e Republikës së Turqisë në Tiranë, me rastin e Ditës së Republikës së Turqisë.
Mnistri Nufi vlerësoi marrëdhëniet e ngushta mes dy vendeve, të mbështetura në lidhje të forta historike, miqësi të qëndrueshme dhe partneritet strategjik.
"Si dy aleatë në NATO, Shqipëria dhe Turqia ndajnë bashkërisht një miqësi të qëndrueshme, marrëdhënie të ngushta historike dhe një partneritet strategjik që forcohet çdo ditë, veçanërisht edhe në fushën e mbrojtjes dhe sigurisë", shkroi ministri Nufi, në një postim në rrjetet sociale.
Shqipëria dhe Turqia vijojnë të thellojnë bashkëpunimin në fusha të ndryshme, në funksion të forcimit të mëtejshëm të marrëdhënieve dypalëshe dhe kontributit të përbashkët në sigurinë kolektive.
Artikuj nga Newsroom
