Deklaratë për shtyp

e diel, 14 shtator 2014 14:19

Qeveria shqiptare është e vendosur të vazhdojë luftën ndaj krimit të organizuar dhe narkotikëve duke e hequr Shqiperinë nga lista e zezë ku e kishte futur qeveria e mëparshme.  Të sulmosh Forcat e Armatosura pse mbështesin me mjete logjistike Policinë e Shtetit dhe Ministrinë e Brendshme në këto operacione do të thotë të sulmosh shtetin për të mbrojtur krimin dhe trafikun e drogës. Sa për prokurorinë, e ftojmë atë të thellojë hetimin mbi të gjitha rastet kur mjetet apo më keq akoma Forcat Speciale dhe ato Komando të FA, janë keq përdorur në kërkim floriri apo ruajtje biznesesh private si Kampionati Mundjes, për të mos folur për transport këngëtarësh.

I sigurojmë qytetarët se bazuar në ligjet e shtetit shqiptar, mjetet e FA do të vazhdojnë të jenë në mbështetje të operacioneve në luftën pa kthim ndaj krimit dhe narkotikëve ashti sic kanë qenë e do të jenë në mbështetje të cdo aksioni civilo-ushtarak në shërbim të tyre. Ndërkaq ftojmë përfaqësuesit e PD-së të distancohen nga mbrojtja e trafikantëve, kultivuesve të hashashit apo cdo krimineli që i sponsorizon.