Fjala e plotë e ministrit të Mbrojtjes z. Pirro Vengu në takimin e tij të parë zyrtar në Kosovë

Faleminderit i nderuar ministër, i dashur Ejup!

Faleminderit për gjithë mikpritjen dhe gjithë vëmendjen që i kushtuat këtij ndërveprimi, jo vetëm midis dy ministrive, por edhe midis dy Shtabeve të Forcave të Armatosura. Është një privilegj që të jem sot këtu.

Pas një takimi me kryeministrin patëm mundësinë që të shkëmbejmë si dy kolegë, në vijim edhe të përpjekjeve të përbashkta të këtyre javëve të fundit për të përballuar situatat të emergjencave civile, kemi darkordësuar besoj një sërë përparësish që kanë të bëjnë me rritjen e kapaciteteve, investimin në kapital njerëzor.
Keni në dispozicion të gjitha instrumentet e Forcave të Armatosura, që nga Akademia e Forcave të Armatosura, si dhe të gjitha instrumentet, institutet apo agjensitë tona në mënyrë qe FSK të ketë të gjithë spektrin e sigurisë në vëmendje të trajnimit të forcave dhe të personelit tuaj.

Pika e dytë që dakordësuam sot ka të bëjë me një veprimtari në gjithë brezin e Bjeshkëve, përsa i përket ç’ minimit të disa zonave që kanë mbetur pa u trajtuar nga të dyja Forcat e Armatosura, një zonë me një vëmendje turistike të posatçme dhe duhet të sigurohemi të dyja palet është një zonë e sigurt për vizitorët në çdo rrethane.

Pika e tretë që përbën një interes të posatçëm ka të bëjë me bashkimin e forcave në mënyrë që resurset mos të dublikohen kur vjen puna tek çeshtjet e mbrojtjes civile, po synojmë të krijojme grupe të përbashkta të mbrojtjes civile, sidomos për zonat malore dhe pyjore si dhe t’i specializojmë forcat dhe të investojmë në mënyrë të përbashkët.

Gjithashtu, vëmendje mori e gjithë situata e sigurisë në rajon, të gjitha kërcënimet, qoftë në leximin që ka Kosova për situatën, qoftë në leximin që ka dhe Aleanca ku padyshim ndërveprimi me NATO mbetet për ne një përparësi themelore.
KFOR është një instrument për siguri kolektive, është një instrument, me te cilin duhet ndërvepruar në çdo rrethanë, pavarësisht leximeve të caktuara në situata të caktuara, këtë e nënvizova dhe në takimin e sotëm, sepse Shqipëria në KFOR ka një kontribut të posaçëm dhe e ndjejmë, jo vetëm si një përgjegjësi shtesë, por edhe si një privilegj për të ndihmuar që Kosova në të gjitha perpjekjet e saj, të kthehet në një aktor që kontribuon në sigurinë kolektive dhe këtu dua të falenderoj dhe një herë Ejupi për gjithë vëmendjen, bashkëpunimin dhe gjithë dedikimin që i jep kësaj marrdhënie midis dy Forcave të Armatosura.

Shumë faleminderit!