Gjashtë të drejta studimi për oficerë në Shkollën e Kandidatëve për Oficerë në SHBA

Qendra e Personel Rekrutimit kërkon të rekrutojë kandidatë për oficerë në “Shkollën e Kandidatëve për Oficerë (OCS)”, në Fort Benning, Georgia, në Shtetet e Bashkuara të Amerikës, për 6 (gjashtë) të drejta studimi.

Afati kohor për dorëzimin e dokumentacionit pranë Qendrës së Personel Rekrutimit (QPR) është deri në 20 korrik 2015 dhe për kandidatët brenda radhëve të Forcave të Armatosura deri në 01 shtator 2015.

Adresa: Rruga e Dibrës, Garnizoni "Skënderbej", Tiranë (Postiblloku: nr. 1, ish - Shkolla e Bashkuar).

Pranë Zyrës së Pranimit në QPR aplikantet regjistrohen, njihen me kriteret, dokumentacionin, datat e testimit, tabelat me normat e testimit të aftesive fizike dhe tërheqin vertetimin si kandidat për student, i nevojshëm për analizat në Spitalin Ushtarak të Forcave të Armatosura.

Aplikanti e dorezon dokumentacionin pranë Zyrës së Pranimit në QPR dhe njëkohësisht plotëson formularin me te dhënat personale si dhe e firmos atë (Aneksi A).

Kriteret e pranimit të kandidatëve, dokumentet për regjistrim, datat e testimit, si edhe tabelat me pikët i gjeni edhe në format elektronik (pdf).