Rekrutohen kandidatë për studime ushtarake në Hamburg, Gjermani

Qendra e Personel Rekrutimit kërkon të rekrutojë kandidatë për studime në programin “Bachelor” të Universitetit Helmut - Shmidt, Hamburg, Gjermani, 2 (dy) të drejta studimi. Nëse kandidatët do të arrijnë t’i mbyllin me sukses programin e studimeve “Bachelor”, atyre do t’u jepet mundësia e ndjekjes dhe të programit “Master”.

Shtrirja e programit mësimor është programi “Bachelor”, 3 vite (7 semestra) dhe programi “Master”, 2 vite (më shumë se 5 semestra). Programi i studimeve “Bachelor”, është një programi përgjithshëm i shkencave inxhinierike, i cili quhet ndryshe dhe programi i sistemeve të mbrojtjes.

Programi i Sistemeve të Mbrojtjes është një program i ri studimesh dhe në ndryshim me programet e tjera është fokusurar në kërkesat specifike të sistemeve të sigurisë dhe teknologjisë për projektimin e mbrojtjes. Programi i studimeve mbart njohuritë bazë për inxhinjeri mekanike dhe elektrike si dhe njohuritë për teknologjinë e informacionit. Studimet në programin “Bachelor” do të zhvillohen vetëm në gjuhën angleze ndërsa studimet master mund të zhvillohen në gjuhën angleze ose gjuhën gjermane.

Kriteret të pranimit të kandidatëve, dokumentet për regjistrim (formulari i aplikimit në formatin word), datat e testimit i gjeni në format elektronik (dokumentacioni në formatin pdf).

Afati kohor për dorëzimin e dokumentacionit pranë QPR është deri më 24 prill 2017.

Adresa: Rruga e Dibrës, Garnizoni Skënderbej, Tiranë,
Tel: +355 42348588