Hapet kursi i gjuhës greke në Qendrën e Gjuhëve të Huaja
Afati i dërgimit të kandidaturave për kursin e gjuhës greke, është data 29 janar 2015.
Personeli i përzgjedhur për të ndjekur kursin e gjuhës greke, duhet të jetë i motivuar dhe të promovohet për t`u kualifikuar, në Institucionet e Larta Arsimore Ushtarake, në Greqi.
I përditësuar: Filluan regjistrimet e kandidatëve për ushtarë/detarë aktivë në FA për periudhën dhjetor 2014 - janar 2015
Afati i regjistrimeve për aplikantët është deri më 30 janar 2015.
Për regjistrime drejtohuni pranë Qendrës së Personel Rekrutimit në adresën Rruga e Dibrës, Tiranë (në ambientet e garnizonit “Skënderbej”).
Për më shumë informacion ndiqni linkun: Si të rekrutohem
Ftesë për pjesëmarrje në tender ndërkombëtar
Nëpërmjet Ambasadës sonë në Çeki, Zyra Kombëtare e Armatimit në Ministrinë e Mbrojtjes në Republikën Çeke, përcjell njoftimin për të gjitha kompanitë që janë të interesuara për të marrë pjesë në tenderin ndërkombëtar për modernizimin e Bazës Ajrore në Čáslav, Republika Çeke.
Kompanitë duhet të shprehin interesin e tyre përmes Misionit tonë të Përhershëm pranë NATO-s në Bruksel, jo më vonë se data 31 dhjetor 2014.
Ftesë për pjesëmarrje në tender ndërkombëtar
Ftesë për pjesëmarrje në tender ndërkombëtar për programin:“Provide a Core Information Services for Command and Control Independent Performance Evaluation and Assessment Capability (IPEAC)".
Kurse kualifikimi dhe arsimimi për vitin akademik 2014 - 2015, të akorduara nga Shtabi i Përgjithshëm turk për personelin e FARSH
Në kuadër të zhvillimit të marrëdhënieve dypalëshe në fushën e arsimimit me Turqinë dhe, mbi bazën e kërkesave të strukturave të FARSH për arsimim dhe kualifikim në institucionet e larta arsimore ushtarake, SHP turk ka akorduar për personelin e FARSH, për vitin akademik 2014 - 2015 kurse kualifikimi dhe arsimimi si më poshtë vijon:
I. Kolegji i Mbrojtjes i ekuivalentuar me K 7, 2 (dy) vende
II. Akademitë e Luftës (AL) i ekuivalentuar me K 5 dhe K 6: ALFT, 1 (një) vend; ALFD 1 (një) vend; ALFAj 1 (një) vend
III. Kurse funksionale 12 (dymbëdhjetë) vende të shpërndarë në 6 (gjashtë) kurse.
Lista e kandidaturave të përshtatshme, sipas specifikave te forcave për çdo kurs të dërgohet në Drejtorinë e Arsimimit dhe Përkujdesjes Sociale të Ushtarakëve (DAPSU), brenda datës 25 korrik 2014.
Klikoni linkun për informacion më të hollesishëm mbi kurset dhe kriteret.
Ankand: Shitje skrape metalike të llojeve të ndryshme
Data e Ankandit: 05 gusht 2014, ora 10.00
Ministria e Mbrojtjes, njofton se në datë 05.08.2014, ora 10.00, në Ministrinë e Mbrojtjes do të zhvillohet procedura e hapur e Ankandit me objekt “Shitje skrape metalike të llojeve të ndryshme”, përbërë nga skrape të metaleve si çelik, gizë, bakër, tunxh dhe plumb, të përftuara nga procesi i çmontimit industrial të municioneve. Skrapet objekt shitje ndodhen në UM Gramsh, ULP Mjekës dhe KM Poliçan.
Vlera fillestare e Ankandit është 114.434.595 (njëqind e katërmbëdhjetë milion e katërqind e tridhjetë e katër mijë e pesëqind e nëntëdhjetë e pesë) lekë pa TVSH.
Ankandi është planifikuar dhe ndarë në lot të veçantë.
Në këtë link do të gjeni në formatin pdf njoftimin e ankandit.
Bursa për studime jashtë vendit
26 qershor - 18 korrik 2014
Qendra e Personel Rekrutimit kërkon të rekrutojë studentë ushtarakë për studime në:
1. Itali
Akademia Ushtarake Modena, 1(një) vend, Akademia Ushtarake e Aviacionit dega Forcë Ajrore 1(një) vend në Pozzuoli, Akademia e Detarisë Livorno 1(një) vend.
2. Turqi
Shkolla e Lartë e Forcave Tokësore 1(një) vend; Shkolla e Lartë e Forcave Detare 1(një) vend; Shkolla e Lartë e Forcave Ajrore 2(dy) vende; Akademia Ushtarake Mjekësore GATA 2(dy) vende.
3. Greqi
Shkolla e Lartë Ushtarake e Forcave Tokësore “EVELPIDON”, Athinë, 2(dy)vende.
4. Kosovë
Shkollimi i kadetëve në Qendrën e Studimeve Universitare dhe në Universitetin Amerikan të Kosovës 1(një) vend.
Artikuj nga Newsroom
e martë, 14 tetor 2025
