Kuvendi miraton ligjin “Për shërbimin e kërkim - shpëtimit”, ministri Vengu: Shqipëria ka detyrim të ofrojë shërbim të besueshëm dhe efikas
Kuvendi i Shqipërisë miratoi me 72 vota pro dhe 2 abstenim projektligjin “Për disa ndryshime dhe shtesa në ligjin ‘Për shërbimin e kërkim - shpëtimit në Republikën e Shqipërisë’”.
Ky projektligj ka si qëllim funksionimin e një shërbimi efikas dhe bashkëkohor të kërkim - shpëtimit, duke rregulluar fushën e përgjegjësisë së këtij shërbimi, si dhe duke iu përgjigjur nevojave aktuale për ristrukturimin e këtij shërbimi në respektim të përcaktimeve të detyrimeve të Organizatës Ndërkombëtare të Aviacionit Civil.
Qeveria miraton projektligjin për “rezervistët”, do të jenë kapacitete shtesë përkrah forcave aktive të FA në operacione
Këshilli i Ministrave miratoi në mbledhjen e tij të fundit, projektligjin "Për organizimin dhe funksionimin e Forcës Rezerviste në Republikën e Shqipërisë".
Ky projektligj ka për qëllim përcaktimin e rregullave për organizimin dhe funksionimin e shërbimit rezervist në Republikën e Shqipërisë, të drejtat, detyrimet dhe përgjegjësitë e shtetasve, të organeve shtetërore e subjekteve private për mobilizimin.
Ministri Vengu përshëndet Forumin e Funksioneve të Rojës Bregdetare: Fuqizojmë mbështetjen për operacionet detare
Ministri i Mbrojtjes, z. Pirro Vengu përshëndeti përfaqësuesit e vendeve të Mesdheut, të mbledhur në Tiranë, në Forumin e Funksioneve të Rojës Bregdetare Mesdhetare, organizuar nga Drejtoria e Përgjithshme Detare e Bashkimit Evropian.
Gjatë këtij Forumi, ministri i Mbrojtjes theksoi rëndësinë strategjike të detit Mesdhe për sigurinë rajonale dhe tregtinë ndërkombëtare, duke e cilësuar atë një korridor jetik për lëvizjen e mallrave midis Evropës, Afrikës dhe Lindjes së Mesme.
Tre bursat e studimit në akademitë më të mira në botë
Ministria e Mbrojtjes ofron tre bursa të plota studimi në disa nga institucionet më prestigjioze ushtarake në botë. Këto mundësi janë realizuar falë bashkëpunimit me Shtetet e Bashkuara të Amerikës.
Bursat përfshijnë:
- Akademinë Ushtarake të Detarisë
- Akademinë e Forcave Ajrore të SHBA
- Akademinë West Point
Përfaqësues nga 24 vende mblidhen në Tiranë në Forumin e Funksioneve të Rojës Bregdetare Mesdhetare
Forumi i Funksioneve të Rojës Bregdetare Mesdhetare do të zhvillojë nga data 29-31 tetor mbledhjen e tij të radhës në Tiranë, organizuar nga Forca Detare/Roja Bregdetare shqiptare. Ky forum, që ka për qëllim të rrisë bashkëpunimin midis agjencive të rojeve bregdetare të vendeve mesdhetare mbledh përfaqësues nga 14 shtete anëtare, dy shtete vëzhguese, përfaqësues nga pesë agjenci dhe institucione të BE-së, si dhe organizata ndërkombëtare dhe institucione kombëtare.
Artikuj nga Newsroom
e martë, 28 tetor 2025
