Sot në orën 06.26 gjatë patrullimit në det, Anija P-02 gjeti një skaf të braktisur 4 milje në veri të Sazanit me ngjyrë blu pa asnjë mbishkrim. Pasi bëri krehjen e zonës për të parë nëse ka të mbytur, u njoftua policia kufitare si dhe u bë rimorkimi i mjetit për në Sazan. Mjeti iu dorëzua me procesverbal policisë kufitare. Forca Detare vijon patrullimin në këtë zonë.
Kolonel Flamur Hadushi: Nisur nga ngjarjet e ditëve të fundit, ku një pjesëtar i Forcës Ajrore humbi jetën gjatë angazhimit në një aktivitet kriminal, Forca Ajrore e sheh të nevojshme të sqarojë opinionin publik se:
Ngjarja ku gjeti vdekjen major Sokol Feka është një ngjarje e rëndë, e cila flet për domosdoshmërinë e reformimit të thellë që kemi ndërmarrë në të gjitha nivelet e drejtimit të FA.
Ministria e Mbrojtjes është informuar në rrugë zyrtare nga Ministria e Punëve të Jashtme të Republikës së Shqipërisë se një ngjarje e pakëndshme ka ndodhur gjatë ditës së djeshme në Spanjë.
Guardia Civil spanjolle njoftoi se është rrëzuar një helikopter, i dyshuar se po merrej me aktivitet të paligjshëm. Nga verifikimet paraprake, helikopteri udhëtonte nga Maroku në Spanjë. Si pasojë e rrëzimit të helikopterit piloti ka rezultuar i vdekur. Bazuar në dokumentet e gjetur mendohet se ky person të jetë shtetasi shqiptar Sokol Feka, major, me detyrë instruktor në Bazën Ajrore të Farkës.
Deklaratë për shtyp e ministres së Mbrojtjes Kodheli mbi operacionin e shpëtimit të pasagjerëve në tragetin “Norman Atlantic”
Shtabi i Përgjithshëm i FA e konsideron të rëndësishëm të sqarojë opinionin publik lidhur me arsyet e lirimit nga detyra të kolonelit (në lirim) Dritan Demiraj. FARSH si çdo institucion tjetër në një sistem demokratik e ndërtojnë veprimtarinë dhe përmbushin misionin e tyre vetëm duke u bazuar në ligjet e vendit. Gjthësecili brenda FA vlerësohet duke u promovuar dhe përparuar në gradë, po aq sa ndëshkohet kur rezulton në shkelje të ligjit dhe disiplinës ushtarake. Të gjithëve u kërkohet zbatimi i ligjit aq më tepër ushtarakëve me gradë të lartë.
Ministria e Mbrojtjes përshëndet angazhimin personal të prokurorit të Përgjithshëm z. Adriatik Llalla, lidhur me denoncimin e bërë nga ana jonë për mungesën e krijuar në vite, të lëndëve plasëse në depot pranë fshatit Nuaj të Krujës.
Pas miratimit të strukturës së re nga presidenti i Republikës, ndër të tjera, bazuar në një urdhër të ministres së Mbrojtjes, në tetor 2014 filloi procesi i inventarizimit të plotë e të detajuar në të gjithë vendin. Ministrja kërkoi që kjo procedurë të bëhet në të njëjtën kohë në të gjithë vendin me prezencën e anëtarëve të komisionit, të komandave, Ministrisë dhe Shtabit të Përgjithshëm, proces i cili është ende në vazhdim.
Ministria e Mbrojtjes sqaron opinionin publik dhe Partinë Demokratike që gjatë gjithë javës së kaluar znj. Mimi Kodheli ka drejtuar ministerialin e Kartës së Adriatikut, i cili u mbajt në Budva të Malit të Zi. Gjatë qëndrimit të saj në Malin e Zi, ministrja ka takuar zëvendësasistenten e sekretarit amerikan të Mbrojtjes për Euro-Azinë, znj. Evelyn N. Farkas, ministrin turk të Mbrojtjes z. Ismet Ylmaz, ka bërë takime me homologen malazeze znj. Milica Pejanović – Đurišić, ministrin e Forcës së Sigurisë së Kosovës, z. Agim Çeku, zëvendësministrin e Mbrojtjes të Gjeorgjisë, si dhe shumë përfaqësues të tjerë të shteteve pjesëmarrëse në këtë samit.
