Deklaratë për shtyp
Ministria e Mbrojtjes përshëndet angazhimin personal të prokurorit të Përgjithshëm z. Adriatik Llalla, lidhur me denoncimin e bërë nga ana jonë për mungesën e krijuar në vite, të lëndëve plasëse në depot pranë fshatit Nuaj të Krujës.
Pas miratimit të strukturës së re nga presidenti i Republikës, ndër të tjera, bazuar në një urdhër të ministres së Mbrojtjes, në tetor 2014 filloi procesi i inventarizimit të plotë e të detajuar në të gjithë vendin. Ministrja kërkoi që kjo procedurë të bëhet në të njëjtën kohë në të gjithë vendin me prezencën e anëtarëve të komisionit, të komandave, Ministrisë dhe Shtabit të Përgjithshëm, proces i cili është ende në vazhdim.
Deklaratë për shtyp
Ministria e Mbrojtjes sqaron opinionin publik dhe Partinë Demokratike që gjatë gjithë javës së kaluar znj. Mimi Kodheli ka drejtuar ministerialin e Kartës së Adriatikut, i cili u mbajt në Budva të Malit të Zi. Gjatë qëndrimit të saj në Malin e Zi, ministrja ka takuar zëvendësasistenten e sekretarit amerikan të Mbrojtjes për Euro-Azinë, znj. Evelyn N. Farkas, ministrin turk të Mbrojtjes z. Ismet Ylmaz, ka bërë takime me homologen malazeze znj. Milica Pejanović – Đurišić, ministrin e Forcës së Sigurisë së Kosovës, z. Agim Çeku, zëvendësministrin e Mbrojtjes të Gjeorgjisë, si dhe shumë përfaqësues të tjerë të shteteve pjesëmarrëse në këtë samit.
Deklaratë për shtyp
Një avion boeing komercial, i cili udhëtonte nga një kryeqytet europian në drejtim të kontinentit afrikan humbi për disa momente kontaktin me qendrat e kontrollit ajror.
Sipas marrëveshjeve ndërkombëtare në të cilat Shqipëria është palë, vendet fqinje anëtare të NATO bëjnë policimin ajror të territorit të Republikës së Shqipërisë.
Përfundon me sukses operacioni në ndihmë të qeverisë së Irakut
Ministria e Mbrojtjes informon opinionin publik se ka përfunduar me sukses operacioni i dërgimit të ndihmës me armë dhe municione në ndihmë të qeverisë së Irakut.
Shqipëria edhe një herë tjetër dëshmoi se është në krah të mbrojtjes së vlerave të demokracisë dhe paqes.
Me këtë rast, ministrja e Mbrojtjes znj. Mimi Kodheli, u ka dërguar një letër falënderimi të gjithë homologëve të saj të vendeve që kontribuan në këtë operacion. Znj. Kodheli falënderon Qeverinë dhe Forcat e Armatosura të Shteteve të Bashkuara të Amerikës, Mbretërisë së Bashkuar, Kanadasë, Danimarkës dhe Australisë.
Deklaratë për shtyp
Qeveria shqiptare është e vendosur të vazhdojë luftën ndaj krimit të organizuar dhe narkotikëve duke e hequr Shqiperinë nga lista e zezë ku e kishte futur qeveria e mëparshme. Të sulmosh Forcat e Armatosura pse mbështesin me mjete logjistike Policinë e Shtetit dhe Ministrinë e Brendshme në këto operacione do të thotë të sulmosh shtetin për të mbrojtur krimin dhe trafikun e drogës. Sa për prokurorinë, e ftojmë atë të thellojë hetimin mbi të gjitha rastet kur mjetet apo më keq akoma Forcat Speciale dhe ato Komando të FA, janë keq përdorur në kërkim floriri apo ruajtje biznesesh private si Kampionati Mundjes, për të mos folur për transport këngëtarësh.
Deklaratë e ministres së Mbrojtjes Mimi Kodheli
Duke e përshëndetur dhe falënderuar presidentin Nishani për vëmendjen që tregon ndaj zhvillimeve në fushën e Mbrojtjes, por duke konstatuar edhe një lexim të gabuar nga ana e presidentit të disa projekt-ligjeve të inicuara nga Ministria e Mbrojtjes me mbështetjen e plotë teknike të partnerëve tanë ndërkombëtare, ministrja e Mbrojtjes Mimi Kodheli, ndjen detyrimin të sqarojë publikisht se komentet e bëra nga presidenti Nishani në njoftimin e tij për shtyp lidhur me projekt-ligjet në fjalë janë absolutisht pa lidhje.
Deklaratë për shtyp
Forcat e Armatosura dhe Ministria e Mbrojtjes i qëndrojnë çdo deklarate të mëparshme të dhënë nga titullarët e saj.
Nuk ekziston asnjë fakt që të prodhojë hamendësitë e shprehura gjatë javëve të fundit në publik.
Forca Ajrore disponon dokumente nga strukturat e specializuara të Aleancës që monitorojnë hapësirën ajrore të Republikës së Shqipërisë, të cilat konfirmojnë se nuk ka patur avionë renegatë në hapësirën tonë në datën dhe kohën e cituar në media.
Artikuj nga Newsroom
e martë, 28 tetor 2025
