Peleshi në Forumin e Sigurisë dhe Mbrojtjes “Schuman”: Bashkëpunimi, e vetmja rrugë për të siguruar paqen

e martë, 21 mars 2023 15:30

Ministri i Mbrojtjes Niko Peleshi mori pjesë në Forumin e Partneritetit të Sigurisë dhe Mbrojtjes “Schuman”, me temë “Së bashku më të fortë në një botë të paqëndrueshme”, që u mbajt në Bruksel më 20 dhe 21 mars.

Ministri Peleshi mori fjalën në panelin me temë “T’i përgjigjemi së bashku krizës”, ku foli për ndryshimin e sigurisë ndërkombëtarë pas agresionit rus në Ukrainë: “Imazhi i sigurisë ndërkombëtare ka ndryshuar thellësisht. Agresioni i pandërprerë rus ndaj Ukrainës ka nxjerrë në pah rëndësinë e sigurisë si një çështje politike. Pas tronditjes së skenës së sigurisë, konfliktet e mundshme të fjetura dhe çështjet e pazgjidhura ndërmjet shteteve janë bërë gjithnjë e më delikate. Vendet me të drejtë janë bërë më vigjilente dhe po ndërmarrin hapa për t’u përgatitur për konflikte të mundshme duke rritur kapacitetet e tyre të mbrojtjes”, - u shpreh ministri Peleshi.

Lexo më shumë...

Anija “Lissus” e Forcës Detare niset me mision në detin Mesdhe, si pjesë e operacioneve të NATO

e enjte, 09 mars 2023 11:43

Anija “Lissus” dhe një ekip efektivësh të Forcës Detare do të jetë pjesë e operacioneve të përqendruara (FOCOPS) të NATO, në detin Mesdhe.

Në ceremoninë e përcjelljes së ekuipazhit, zëvendësshefja e Shtabit të Përgjithshëm të FA gjeneralmajor Manushaqe Shehu u shpreh se me këtë mision: “Forca Detare rikthehet të kontribuojë si faktor i rritjes së sigurisë detare, pas një angazhimi të suksesshëm trivjeçar nga viti 2016 - 2019, në aktivitetin e NATO ‘Sea Guardian’ në detin Egje, ku bëri të mundur dhënien e ndihmës mbi 1800 personave, në rrezik për jetën”.

Lexo më shumë...

Ministri Peleshi, komandantja e Gardës së New Jersey dhe ambasadorja Yuri Kim, vizitë në pikën e rekrutimeve në qendër të Tiranës

e mërkurë, 08 mars 2023 14:30

Ministri i Mbrojtjes Niko Peleshi së bashku me ambasadoren amerikane Yuri Kim dhe komandanten e Gardës Kombëtare të Nju Xhersit, gjeneral brigade Lisa Hou, e cila ndodhet në Shqipëri vizituan pikën e rekrutimeve të ngritur në qendër të Tiranës. Komandantja e Gardës Kombëtare të New Jersey dhe ambasadorja Yuri Kim diskutuan me pjesëtarë të FA dhe të rinjtë që kanë shprehur interes për të aplikuar për 400 pozicionet e lira dhe për t’u bërë pjesë e Forcave të Armatosura.

Lexo më shumë...

Garda e New Jersey-it, trajnim me gratë ushtarake të FA për sfidat e sigurisë në Evropë

e mërkurë, 08 mars 2023 12:03

Një ekip i Gardës Kombëtare të New Jersey - it, së bashku me gra dhe vajza të Forcave të Armatosura të Shqipërisë organizuan në Tiranë Forumin “Sfidat e sigurisë në Evropë - Gratë, paqja dhe siguria”.

Synimi i këtij aktiviteti që mbahet edhe me rastin e Festës së Gruas është fuqizimi i rolit të grave ushtarake, si pjesë e Forcave të Armatosura.

Në forumin, që shërbeu edhe si një trajnim për gratë ushtarake për çështje që lidhen me sigurinë e paqen, ministri i Mbrojtjes Niko Peleshi falënderoi Gardën Kombëtare të New Jersey - it.

Lexo më shumë...