Njoftime

Ankand: Shitje skrape metalike të llojeve të ndryshme

: e premte, 11 korrik 2014 12:23

Data e Ankandit: 05 gusht 2014, ora 10.00

Ministria e Mbrojtjes, njofton se në datë 05.08.2014, ora 10.00, në Ministrinë e Mbrojtjes do të zhvillohet procedura e hapur e Ankandit me objekt “Shitje skrape metalike të llojeve të ndryshme”, përbërë nga skrape të metaleve si çelik, gizë, bakër, tunxh dhe plumb, të përftuara nga procesi i çmontimit industrial të municioneve. Skrapet objekt shitje ndodhen në UM Gramsh, ULP Mjekës dhe KM Poliçan.

Vlera fillestare e Ankandit është 114.434.595 (njëqind e katërmbëdhjetë milion e katërqind e tridhjetë e katër mijë e pesëqind e nëntëdhjetë e pesë) lekë pa TVSH.

Ankandi është planifikuar dhe ndarë në lot të veçantë.

Në këtë link do të gjeni në formatin pdf njoftimin e ankandit.

Bursa për studime jashtë vendit

: e enjte, 26 qershor 2014 11:45

26 qershor - 18 korrik 2014

Qendra e Personel Rekrutimit kërkon të rekrutojë studentë ushtarakë për studime në:

1. Itali
Akademia Ushtarake Modena, 1(një) vend, Akademia Ushtarake e Aviacionit dega Forcë Ajrore 1(një) vend në Pozzuoli, Akademia e Detarisë Livorno 1(një) vend.
2. Turqi
Shkolla e Lartë e Forcave Tokësore 1(një) vend; Shkolla e Lartë e Forcave Detare 1(një) vend; Shkolla e Lartë e Forcave Ajrore 2(dy) vende; Akademia Ushtarake Mjekësore GATA 2(dy) vende.
3. Greqi
Shkolla e Lartë Ushtarake e Forcave Tokësore “EVELPIDON”, Athinë, 2(dy)vende.
4. Kosovë
Shkollimi i kadetëve në Qendrën e Studimeve Universitare dhe në Universitetin Amerikan të Kosovës 1(një) vend.

Lexo më shumë...

Rekrutim për nevoja të FA të Republikës së Shqipërisë

: e enjte, 26 qershor 2014 10:44

Qendra e Personel Rekrutimit do të rekrutojë në periudhën 23 qershor - 28 gusht 2014, për nevoja të FARSH, kontingjentin prej 250 kandidatësh për ushtarë profesionistë për strukturat e mëposhtme:

Agjencia e Inteligjencës së Mbrojtjes	3 kandidatë
Agjencia e Sistemeve të Ndërlidhjes dhe Informacionit	5 kandidatë
Policia Ushtarake	50 kandidatë
Forca Tokësore	100 kandidatë
Forca Detare	10 kandidatë
Forca Ajrore	9 kandidatë
Brigada e Mbështetjes Rajonale	30 kandidatë
Komanda e Doktrinës dhe Stërvitjes	3 kandidatë
Regjimenti i Mbështetjes së SHP	20 kandidatë
Brigada Logjistike	10 kandidatë

Pjesë e këtyre kandidatëve për ushtarë/detarë aktivë me arsim të lartë (të cilët administrojnë një diplomë universitare të nivelit të parë), në përfundim të stërvitjes individuale bazë, do të jenë kandidatë potencial për në “Shkollën e kandidatëve për oficerë” në Shtetet e Bashkuara në Amerikës.

Për më shumë informacion kontaktoni Qendrat e Rekrutimit.

I përditësuar: Kërkim kandidaturash, në kuadër të programit IMET për 2015

: e enjte, 31 korrik 2014 10:33

Në kuadër të bashkëpunimit dypalësh me Shtetet e Bashkuara të Amerikës, Drejtoria e Arsimimit dhe Përkujdesjes Sociale të Ushtarakëve (DAPSU), pranë Ministrisë së Mbrojtjes, ka iniciuar procedurat për kërkim kandidaturash për trajnimin e personelit ushtarak dhe civil, në kuadër të programit IMET, për vitin fiskal 2015.

Kërkimi i kandidaturave bëhet bazuar në planin vjetor të kurseve të ofruara nga pala amerikane për Forcat e Armatosura të Republikës së Shqipërisë, sipas tabelës së kurseve bashkëlidhur: plani arsimor, për trajnimin e personelit ushtarak dhe civil, në kuadër të programit IMET, për vitin fiskal 2015

Në Ministrinë e Mbrojtjes janë konfirmuar kurse të tjera shtesë, të cilat zhvillohen në Shtetet e Bashkuara të Amerikës dhe Qendrën Marshall, sipas periudhave të cilësuara në listën bashkëlidhur: plani arsimor, i përditësuar, për trajnimin e personelit ushtarak dhe civil, në kuadër të programit IMET, për vitin fiskal 2015.

Lexo më shumë...