Afganistan, operacioni RSM drejtuar nga NATO

Menjëherë pas mbylljes së misionit ISAF në Afganistan në fund të vitit 2014, më 1 janar 2015 NATO filloi një mision të ri në Afganistan të emërtuar Resolute Support Mission (RSM).

Sasia e personelit të dislokuar në terren për përmbushjen e këtij misioni arrin në 8.000 vetë (nga vendet anëtare si dhe nga 14 vende partnere të NATO). Shtabi i RSM ishte vendosur në Kabul dhe në territorin e Afganistanit ishin shpërndarë 6 komanda kryesore Train Advise Assist Command (TAAC):
TAAC - Capital (Kabul);
TAAC - North (Mazar-e-Sharif);
TAAC - West (Herat);
TAAC - East (Laghman);
TAAC - South (Kandahar);
TAAC - Air (e shpërndarë në gjithë Afghanistanin)

Në total kontributi i FARSH nga muaji korrik 2002 deri më 15 qershor 2021 është 4160 ushtarakë

Misioni është ndërprerë në qershor 2021, mbas vendimit të Aleancës për tërheqje nga Afganistani.

Lexo më shumë...



Mali

Forcat e Armatosura të Republikës së Shqipërisë u angazhuan në operacionin ushtarak të Bashkimit Evropian, (EUTM Mali), në nëntor 2016, në Republikën e Malit, Afrikë. Misioni i ushtarakëve, që marrin pjesë në këtë operacion, është mbështetja dhe dhënia e kontributit në funksione të ndryshme EOD. Misioni ka rol trajnues dhe kontingjenti i FARSH është pjesë e grupit EOD, në mbështetje të Kompanisë së Ruajtjes së Bazës në Qendrën e Trajnimit në Koulikoro, në Republikën e Malit. 

Në këtë mision, për periudhën 2015 - 2016, FARSH është e angazhuar me 6 ushtarakë.
Në vitin 2017 FARSH është e angazhuar në këtë operacion me 1 (një) grup trajnues EOD prej 4 ushtarakësh.

Kontributi i deri tanishëm i FARSH, nga viti 2015 dhe deri më sot, operacionin ushtarak të BE-së “EUTM Mali” në Mali, është 34 ushtarakë. Misioni është ndërprerë në muajin prill 2020.



Afganistan, operacioni ISAF drejtuar nga NATO

Në korrik të vitit 2002, u angazhua kontingjenti i parë i FA, në kuadër të forcave të koalicionit kundër terrorizmit në operacionin International Security Assistance Force (ISAF), në Kabul dhe duke vijuar gradualisht rritjen e përfaqësimit dhe shumëllojshmërinë e angazhimit në detyra, pothuajse në të gjitha komandat rajonale në Afganistan, si në Herat, Masari-e-Sharif, Shtabin Qendror ISAF (Kabul), Misione Trajnimi të NATO (Kabul dhe Herat), ekipe PRT (Masari-e-Sharif, Kabul), ekipe NTM-A (Kabul, Herat), ekipe OMLT (Kabul), ekipe shëndetësore, Forca Speciale në Kandahar dhe Trajnues të Forcave Speciale në Wardak.

Që nga fillimi e deri në përfundim të operacionit ISAF, FARSH kanë kontribuar me një total prej 3041 ushtarakësh.

Lexo më shumë...



Gjeorgji

Duke filluar nga viti 1994 deri në korrik të vitit 2009 (kohë kur është mbyllur misioni), FARSH kanë qenë të angazhuar me përfaqësues këshilltarë/vëzhgues ushtarakë në operacionin UNOMIG (United Nations Observer Mission in Georgia) të drejtuar nga OKB, në Tbilisi Gjeorgji, 39 ushtarakë.



Çad, Afrikë

FARSH, në Çad, Afrikë, në periudhën korrik 2008 - korrik 2010, duke vepruar në përbërje të kontingjentit francez, kanë qënë të angazhuara me 3 kontingjente me nga 63 ushtarakë, në operacionin MINURCAT (Mission des Nations Unies en République Centrafricaine et au Tchad), të drejtuar nga Bashkimi Europian.

Dërgimi i trupave në Çad, u bë bazuar në marrëveshjen ndërmjet Bashkimit Europian dhe Republikës së Shqipërisë “Për pjesëmarrjen e RSH, në operacionet ushtarake të BE”, si dhe marrëveshjes dypalëshe midis Republikës së Francës dhe Republikës së Shqipërisë, “Për mbështetjen e trupave të FA të RSH, në operacionet ushtarake të BE”.

Gjithsej në këtë mision kanë marrë pjesë 189 ushtarakë.



Artikuj nga Newsroom