Afganistan, operacioni RSM drejtuar nga NATO

Menjëherë pas mbylljes së misionit ISAF në Afganistan në fund të vitit 2014, më 1 janar 2015 NATO filloi një mision të ri në Afganistan të emërtuar Resolute Support Mission (RSM).

Sasia e personelit të dislokuar në terren për përmbushjen e këtij misioni arrin në 8.000 vetë (nga vendet anëtare si dhe nga 14 vende partnere të NATO). Shtabi i RSM ishte vendosur në Kabul dhe në territorin e Afganistanit ishin shpërndarë 6 komanda kryesore Train Advise Assist Command (TAAC):
TAAC - Capital (Kabul);
TAAC - North (Mazar-e-Sharif);
TAAC - West (Herat);
TAAC - East (Laghman);
TAAC - South (Kandahar);
TAAC - Air (e shpërndarë në gjithë Afghanistanin)

Në total kontributi i FARSH nga muaji korrik 2002 deri më 15 qershor 2021 është 4160 ushtarakë

Misioni është ndërprerë në qershor 2021, mbas vendimit të Aleancës për tërheqje nga Afganistani.

Baza ligjore e këtij misioni është Marrëveshja e Statusit të Forcave (Status of Forces Agreement = SOFA), e cila është nënshkruar në Kabul më 30 shtator 2014 dhe është ratifikuar nga parlamenti afgan me 27 nëntor 2014. Kjo marrëveshje përcakton kushtet dhe afatet mbi bazën e të cilave ishin dislokuar forcat e NATO si dhe gamën e aktiviteteve dhe veprimeve ushtarake të lejuara brenda territorit të Afganistanit. Për këtë mision, Këshilli i Sigurimit të Kombeve të Bashkuara ka nxjerrë Rezolutën 2189, datë 12 dhjetor 2014.

RSM kishte për qëllim të ofrojë stërvitje, këshillim dhe asistencë për Afganistanin në tetë fusha kryesore: buxhetimi shumëvjeçar; transparenca; përgjegjësia dhe kontrolli; kontrolli civil mbi institucionet afgane të sigurisë; gjenerimi i forcës; mbajtja e forcës; planizimi strategjik dhe politik; gjetja e burimeve dhe ekzekutimi; inteligjenca; komunikimi strategjik.

Kontributi në RSM i FARSH përgjatë viteve:

viti 2015 - 87 ushtarakë
viti 2016 - 86 ushtarakë, plus 40 ushtarakë Kontingjenti I Herat, Afganistan, gjithsej 126 ushtarakë,
viti 2017 - 166 ushtarakë,
viti 2018 - 212 ushtarakë,
viti 2019 - 270 ushtarakë,
viti 2020 - 177 ushtarakë,

Në total kontributi i FARSH nga muaji korrik 2002 deri më 15 qershor 2021 është 4160 ushtarakë

Misioni është ndërprerë në qershor 2021, mbas vendimit të Aleancës për tërheqje nga Afganistani.