Demontimi/tjetërsimi i municioneve dhe shkatërrimi i armatimit të tepërt dhe jashtë nevojave të FA, 2019
Procesi i demontimit masiv të municioneve të tepërta dhe jashtë nevojave të Forcave të Armatosura ka përfunduar në vitin 2019. Nga viti 2019 e në vijim është punuar me kapacitet të reduktuar në këtë drejtim, kryesisht me demontime të municioneve të dala jashtë nevojave për shkak të modernizimit të armatimit, plotësimit të afat shërbimit, municioneve të marra nga Ministria e Brendshme dhe ato të gjetura në hotspote.
Të dhënat për demonti/tjetërsim të municioneve gjatë viteve 2009-2019, sipas grafikëve bashkëlidhur:
Shkatërrimi i armatimit është kryer në zbatim të urdhrave përkatës të ministrit të Mbrojtjes në Uzinën Mekanike Gramsh në përputhje me projektet e miratuara nga Shtabi i Përgjithshëm i FA.
Gjatë këtyre viteve është shkatërruar një sasi prej rreth 90.000 copë armë të vogla e të lehta dhe rreth 400.000 pjesë këmbimi për armët e këmbësorisë.
Demontimi i municioneve tepër dhe jashtë nevojave të FA për 2014
Demontimi i municioneve për vitin 2014:
- Shkurt - dhjetor 2014 sasia e municionit të demontuar dhe asgjësuar në uzinat ushtarake, në poligone dhe që i kanë kaluar ndërmarrjes MEICO është 5.845 ton.
- Projekti i shkatërrimit të armatimit në UM Gramsh.
- Projekti pilot i asgjësimit të municioneve 20mm nga Mali i Zi, në ULP Mjekës.
- Pastrimi i rajonit të Gërdecit nga kompania EOD e Komandës Mbështetëse.
- Pastrimi i hotspoteve
Grafiku i demontimit
Grafiku asgjësimit dhe tjetërsimit të municioneve, në zbatim të Planeve të Veprimit, për periudhën 2009 – dhjetor 2014:
Asgjësimi i municioneve për vitin 2013
Në zbatim të Planeve të Veprimit për asgjësimin e municioneve të tepërta në FA, gjatë vitit 2013 janë asgjësuar, tjetërsuar në total 12.169 ton bruto municione.
Puna për asgjësimin e municioneve për vitin 2012
30 mars 2012
Bordi Asgjësimit të Municioneve, ka ngritur Grupin e Punës për rishikimin e Planit të Veprimit për vitin 2012. Sipas vlerësimit të bërë nga Shtabi Përgjithshëm i FA, rezulton se mbeten për asgjësim gjatë vitit 2012, rreth 38,000 ton municione, që janë planifikuar të asgjësohen në uzina dhe poligone. Një pjesë e mirë e tyre do të shkojë për shitje dhe eksport.
Konferencë për shtyp e datës 30 mars 2012, për demontimin e municioneve të tepërta
***
2 dhjetor 2012
Në Poligonin Kombëtar të Bizës u zhvillua ceremonia e përfundimit të projektit të demontimit të municioneve të tepërta, të FA në poligonet e hapura.
Përfundoi projekti i demontimit të municioneve në poligonet e hapura
Projektet dhe Donatorët
Këshilli i Ministrave ka nënshkruar Memorandumin e Mirëkuptimit me NAMSA, (Agjencia e NATO për Mbështetje dhe Furnizim), për demilitarizimin e municioneve. Projekti mbështetet nga SHBA me 10-milion USD.
Demilitarizimi i municioneve është mbështetur gjithashtu nga vende dhe organizata tjera si: Gjermania, Danimarka, OSBE, etj.
Ministria e Mbrojtjes ka nënshkruar MOU me Zyrën e Kombeve të Bashkuara për Zhvillim (UNDP), për kontrollin dhe pastrimin e zonave të kontaminuara me municione të paplasura (HOTSPOTS), si edhe të poligoneve në përfundim të asgjësimit të municioneve nga FA.
Në tetor 2011, Ministria e Mbrojtjes organizoi Konferencën Ndërkombëtare për Demilitarizimin e Municioneve me pjesëmarrjen e Ambasadorëve të vendeve të NATO, BE dhe ato partnere.
Asgjësimi i municioneve për vitin 2011
Në zbatim të Planit të Veprimit për asgjësimin e municioneve të tepërta në FA, synimet kryesore të Bordit të Asgjësimit të Municioneve për vitin 2011 kanë qenë:
- Asgjësimi i 25,000 ton municioneve,
- Reduktimi i 5-grupdepove të municionit të prioritet të lartë,
- Shtimi i shitjes dhe eksportit të municioneve dhe lëndëve plasëse.
Artikuj nga Newsroom
e martë, 29 prill 2025
