Demontimi i municioneve tepër dhe jashtë nevojave të FA për 2014

Sasia e municioneve të demontuara dhe asgjësuara në uzinat ushtarake, në poligone dhe që i kanë kaluar ndërmarrjes MEICO, në vitin 2014, në bazë të Planit të Veprimit të miratuar me urdhër të ministrit të Mbrojtjes nr. 297, datë 21.03.2014, është si vijon :

- Uzina e Lëndëve Plasëse (ULP) Mjekës, Elbasan: 1664 ton municione
- Kombinati Mekanik (KM) Poliçan: 1001 ton municione
- Uzina Mekanike (UM) Gramsh: 28,1 ton municione
- Asgjësim me plasje në poligonet e miratuara: 167,1 ton municione
- Kaluar ndërmarrjes MEICO: 2984 ton municione

Total (shkurt - dhjetor 2014): 5.845 ton municione.

Grafiku i asgjësimit dhe tjetërsimit të municioneve shkurt - dhjetor 2014 sipas muajve:

Projekti i shkatërrimit të armatimit në UM Gramsh:

Në zbatim të urdhrit të ministrit të Mbrojtjes nr. 592 datë 13.05.2014, në UM Gramsh është realizuar projekti i shkatërrimit të armatimit të këmbësorisë i cili ka përfunduar më datë 10.09.2014, ku janë shkatërruar:

- 66824 copë armë këmbësorie dhe është marrë hyrje 273.036 ton skrap.

Projekti pilot i asgjësimit të municioneve 20mm nga Mali i Zi, në ULP Mjekës:

Në zbatim të marrëveshjes teknike ndërmjet Ministrisë së Mbrojtjes së Republikës së Shqipërisë dhe Ministrisë së Mbrojtjes së Malit të Zi, të financuar dhe mbështetur nga Agjencia e Mbështetjes së NATO (NSPA, NATO Support Agency), në dakordësi me Aleancën e NATO (Partnership for Peace Trust Fund Policy), më datë 25.11.2014 kanë ardhur 50380 copë shtimje 20mm API PZ, nga Mali i Zi, rreth 17 ton municione. Projekti pilot rajonal i asgjësimit të këtyre municioneve është realizuar me sukses në ULP Mjekës në periudhën 26.11.2014 deri në 5.12.2014.

Ministrja e Mbrojtjes znj. Mimi Kodheli, në datë 2.12.2014 , ka inspektuar ULP Mjekës dhe ka parë nga afër realizimin e këtij projekti rajonal. ULP Mjekës në datë 3.12.2014 është vizituar nga një delegacion nga Mali i Zi, i kryesuar nga zëvendësministri i Mbrojtjes të Malit të Zi, i cili është njohur me punën e bërë në realizimin e këtij projekti rajonal.

Për pastrimin e rajonit të Gërdecit nga kompania EOD e Komandës Mbështetëse:

Operacioni për pastrimin e rehabilitimin e rajonit të Gërdecit nga personeli i kompanisë EOD të Komandës Mbështetëse ka vazhduar edhe gjatë vitit 2014, me përjashtim të periudhës 15 gusht 2014 deri në 10 dhjetor 2014 që është ndërprerë me urdhër të veçantë:

Volumi i punës së kryer në rajonin e Gërdecit gjatë vitit 2014 është si vijon:
• Kontroll prerje bimësie (m2): 7848 m2
• Kontroll me detektor (m2): 15535 m2
• Kontroll nën rrënoja (m2): 744 m2
• Lëvizje inertesh (dhera) (m3): 526,5 m3
• Djegore te ndryshme (copë): 816 copë
• Predha 23mm (copë): 3 copë
• Predha 82mm (copë): 2 copë
• Predha 37mm (copë): 12 copë
• Predha 100mm (copë): 53 copë
• Predha 122mm (copë): 55 copë
• Predha 152mm (copë): 4 copë
• Granata dore (copë): 1 copë
• Inerte skrapi pa vlere përdorimi (kg): 486 kg
• Lëvizje dherash me fadromë (m3): 3523 m3
• Sipërfaqe e gërmuar me fadromë (m2): 2670 m2

Për pastrimin e hotspoteve:

Në mbështetje të Memorandumit të Mirëkuptimit ndërmjet Programit të Zhvillimit të Kombeve të Bashkuara (UNDP) dhe Ministrisë së Mbrojtjes të Republikës së Shqipërisë, datë 01.11.2014, “Për bashkëpunimin dypalësh në zbatimin e programit të pastrimit të hotspoteve dhe asgjësimit të municioneve”, në muajin nëntor 2014, ka filluar pastrimi dhe rehabilitimi i hotspotit të Gjerovenit, Berat, nga kompania norvegjeze NPA. Në zbatim të urdhrit të ministrit të Mbrojtjes nr. 1871, datë 17.11.2014, Forcat e Armatosura japin kontribut nëpërmjet kompanisë EOD të Komandës Mbështetëse, që bëjnë asgjësimin e municioneve të rrezikshme në hotspotin Gjeroven, Berat, ndërsa municionet që mund të lëvizen gjenden në këtë hotspot transportohen dhe magazinohen në grup depot Vërtop, Berat dhe asgjësohen më vonë në poligone të miratuara. Operacioni i pastrimit dhe rehabilitimit të hotspotit Gjeroven, Berat vazhdon normalisht. Koordinimi ndërmjet zyrës së AMMCO në Ministrinë e Mbrojtjes, kompanisë norvegjeze NPA dhe Komandës Mbështetëse në këtë operacion ka qenë i plotë.