Mbështetje financiare e familjarëve të ushtarakëve aktivë

1. Trajtimi më pagesë papunësie i bashkëshorteve/ëve të ushtarakëve aktiv të cilët humbasin vendin e për shkak të transferimit të bashkëshortit.

Mbështetur në nenin 37 të ligjit nr. 9210/2004, “Për statusin e ushtarakut të Forcave të Armatosura të Republikës së Shqipërisë”, të ndryshuar, VKM nr. 854/2004, “Për kriteret dhe masën e përfitimit të pagesës së papunësisë ...”, Udhëzimin e MM nr. 353/2005, “Për zbatimin e Vendimit të Këshillit të Ministrave nr. 854, datë 17.12.2004.”, bashkëshortet ushtarakëve aktiv të cilat humbin vendin e punës për arsye të transferimit të ushtarakut trajtohen me pagesë papunësie

- deri në 7 vjet, në masën 100% e pagës minimale në shkallë vendi për ata të cilët kanë nën 10 vjet vjetërsi në punë dhe 120 % e pagës minimale në shkallë vendi për ata të cilët kanë mbi 10 vjet vjetërsi në punë.
- Pagesa e papunësisë jepet në emër të bashkëshortes/it të ushtarakut aktiv dhe paguhet pranë strukturës në të cilën paguhet ushtaraku.

2. Mbulimi i shpenzimeve të ushtarakëve aktivë/punonjësve civil që shërbejnë në strukturat jashtë vendit për familjarët në ngarkim të tyre.

Në mbështetje të VKM nr. 600/2022 “Për trajtimin dhe mbulimin e shpenzimeve financiare për personelit ushtarak dhe civil të MM dhe FA te RSH, gjatë kohës që emërohen me detyrë jashtë vendit”.

- Trajtimi me 50% të pagës së nëntetarit të vendit pritës për bashkëshorten 20% të për secilin nga fëmijët. Trajtimi financiar i fëmijës paguhet në llogarinë e personelit ushtarak dhe civil që emërohet me detyrë jashtë vendit.
- Ministria e Mbrojtjes mbulon shpnenzimet e cerdheve, kopshteve dhe shkollave publike Në rastet kur në vendin pritës janë me pagesë.
- Ministria e Mbrojtjes mbulon shpenzimet e udhëtimit për kthimin në atdhe dhe rikthimin në shtetin ku është emëruar në rastet e fatkeqësisë familjare, bashkimit familjar, rastet e sëmundjeve të familjarëve.
- Në rast humbjeje të jetës së personelit ushtarak dhe civil, që emërohet me detyrë jashtë vendit, apo të pjesëtarit të familjes që e shoqëron në detyrë, shpenzimet për transportin e trupit në atdhe, si dhe ato të ceremonisë mortore përballohen nga buxheti i Ministrisë së Mbrojtjes.