Mbështetja me strehim

 

1. Trajtimi me kredi të lehtësuar i ushtarakëve aktiv dhe punonjësve civil të MM dhe FARSH

Në zbatim të ligjit nr. 22/2018 “Për strehimin social”, të ndryshuar, vendimit të Këshillit të Ministrave nr. 468, datë 26.07.2023 “Për trajtimin me kredi të lehtësuar të të punësuarve në Administratën Publike”, qeveria shqiptare me VKM miraton kuota çdo vit për kredi të reja me interes 0%, për sigurimin e një banese, për kategoritë prioritare të të punësuarve përfitues në Administratën Publike, pjesë e së cilës kanë qenë nga viti 2023 dhe ushtarakët aktivë/punonjësit civilë të Forcave të Armatosura.

Programi është një iniciativë që synon të mbështesë individët dhe familjet në blerjen e një banese, duke ofruar mundësinë për të përfituar një kredi pa interes. Ky program është i disponueshëm për kategoritë e caktuara të qytetarëve dhe mund të ndryshojë në varësi të politikave të qeverisë dhe dispozitave ligjore në fuqi.

Kushtet lehtësuese që ofron programi janë si më poshtë:

1. Aplikimi realizohet nëpërmjet platformës qeveritare e-albania që gjeneron automatikisht shumicën e dokumentave të kërkuara;
2. Interesi i kredisë është 0%, subesionimi realizohet nga shteti;
3. Subvencionimi 100% i vlerës së banesës bazuar në çmimet mesatare referuese për metër katror, përcaktuar me VKM;
4. Lëvrimi i kredisë nga bankat e nivelit të dytë bëhet e mundur pa kolateral;

Përfituesit përzgjidhen në bazë të sistemit të pikëzimit dhe disa kritereve bazë si kushtet e strehimit, familjare/sociale/punësimi dhe ato ekonomike të përcaktuara këto çdo vit me Vendim të Këshillit të Ministrave.

2. Trajtimi me qera banese për ushtarakët e Forcave të Armatosura të Republikës së Shqipërisë.

Në zbatim të vendimit nr.455, datë 10.06.2020 të Këshillit të Ministrave “Për kriteret dhe masën e kompensimit të qirasë së banesës dhe ushqimit për ushtarakët e Forcave të Armatosura të Republikës së Shqipërisë”, ministri i Mbrojtjes ka miratuar udhëzimin nr. 102/1, datë 30.01.2023 “Për zbatimin e vendimit nr. 455, datë 10.06.2020, të Këshillit të Ministrave, “Për kriteret dhe masën e kompensimit të qirasë së banesës për ushtarakët e Forcave të Armatosura të Republikës së Shqipërisë”, i ndryshuar.

Zbatimi i tij është në proces.