Projekti - “TO BE READY”

Projekti “TO BE READY - The flOod and Big firE foREst, prediction, forecAst anD emergency management”, financohet në kuadër të thirrjes tematike të Programit Interreg IPA CBC Itali - Shqipëri - Mali i Zi.

Projekti, i udhëhequr nga rajoni i Molises, përfshin partneritetin e autoriteteve kryesore kompetente në fushën e mbrojtjes civile dhe administrimit të rrezikut, të cilat kanë përvojë dhe ekspertizë në kërkimin, analizën dhe menaxhimin e riskut. Ky partneritet do të jetë në gjendje të zhvillojë strategjitë më të mira në përmirësimin e kushteve me qëllim rritjen e parrezikshmërisë nga katastrofat natyrore dhe ato të shkaktuara nga dora e njeriut të basenit italian, shqiptar dhe malazez, duke vënë në zbatim iniciativa ndërkufitare të afta të krijojnë një urë midis rajoneve pjesëmarrëse në mënyrë që të adoptohen strategji të koordinuara bashkërisht për ndërhyrje në raste zjarresh dhe përmbytjesh.

Lexo më shumë...



Programi IPA DRAM

Shqipëria, Bosnje Hercegovina, Republika e Maqedonisë së Veriut, Mali i Zi, Serbia, Kosova dhe Turqia janë vende, që kanë probabilitet të lartë të përfshihen në katastrofa natyrale dhe përballen shpesh me përmbytje, tërmete, rrëshqitje dherash, zjarre, valë nxehtësie dhe thatësi.

Shtetet Anëtare të BE-së dhe Komisioni Evropian përmes projekteve të dedikuara brenda Instrumentit për Para-anëtarësim (Instrument for Pre-accession - IPA) njeh nevojat për të forcuar më tej kapacitetet në fushën e Mbrojtjes Civile dhe administrimit të rrezikut të përgjithshëm në rajon dhe koordinimit si brenda rajonit ashtu edhe me agjencitë simotra në vendet e BE-së.

Lexo më shumë...



Programi PRO NEWS

Rreziku më i madh i përmbytjeve në Shqipëri vjen nga lumenjtë dhe pasojat e përmbytjeve prekin aktualisht 130.000 hektarë tokë bujqësore. Pasojat reflektohen më shumë në sektorin e bujqësisë duke dëmtuar mesatarisht 7.000 hektarë tokë çdo vit.

Qëllimi i përgjithshëm i PRO NEWS është të rrisë qëndrueshmërinë ndaj përmbytjeve duke forcuar Sistemin kombëtar shqiptar të Paralajmërimit të Hershëm dhe duke përmirësuar parandalimin e katastrofave në përputhje me praktikat e mira të BE-së. Qëllimi specifik i Programit PRONEWS është që Drejtoria a Përgjithshme për Emergjencat Civile të rrisë më tej kapacitetet për të parandaluar dhe reaguar ndaj menaxhimit të fatkeqësive.

Lexo më shumë...



Artikuj nga Newsroom