Programi IPA DRAM

Shqipëria, Bosnje Hercegovina, Republika e Maqedonisë së Veriut, Mali i Zi, Serbia, Kosova dhe Turqia janë vende, që kanë probabilitet të lartë të përfshihen në katastrofa natyrale dhe përballen shpesh me përmbytje, tërmete, rrëshqitje dherash, zjarre, valë nxehtësie dhe thatësi.

Shtetet Anëtare të BE-së dhe Komisioni Evropian përmes projekteve të dedikuara brenda Instrumentit për Para-anëtarësim (Instrument for Pre-accession - IPA) njeh nevojat për të forcuar më tej kapacitetet në fushën e Mbrojtjes Civile dhe administrimit të rrezikut të përgjithshëm në rajon dhe koordinimit si brenda rajonit ashtu edhe me agjencitë simotra në vendet e BE-së.

Në këtë kuadër, Programi për Vlerësimin dhe Planifikimin e Rrezikut nga Fatkeqësitë (Programme for Disaster Risk Assessment and Mapping - IPA DRAM), kontribuon më tej në rritjen e aftësive të vendeve partnere për të forcuar menaxhimin e rrezikut nga katastrofat, duke krijuar një platformë të hapur për zhvillimin dhe përmirësimin e në nivel kombëtar të bazave të të dhënave (databases) të dëmeve të shkaktuara nga fatkeqësitë duke rritur koherencën midis sistemeve dhe metodologjive kombëtare si edhe përputhshmërisë me rregulloret ekzistuese, udhëzimet dhe praktikat e mira të BE-së.

Për më shumë informacion vizitoni:
IPA DRAM Programme

Autoriteti kontraktues:

Komisioni Evropian - Drejtoria e Përgjithshme për Mbrojtjen Civile Evropiane dhe Operacionet e Ndihmës Humanitare (ECHO)

Shoqëritë partnere:

• Agjencia Suedeze e Emergjencave Civile (MSB) si koordinator;
• Departamenti i Mbrojtjes Civile Italiane (DPC);
• Administrata e Republikës së Sllovenisë për Mbrojtjen Civile dhe Ndihmën nga Fatkeqësitë (ACPDR);
• Drejtoria Kombëtare e Mbrojtjes, Shpëtimit e Republikës së Kroacisë (DUZS);
• Qendra Ndërkombëtare e Monitorimit të Mjedisit (Fondacioni Kërkimor CIMA).

Partnerët:

Shqipëria, Bosnja dhe Hercegovina, Maqedonia e Veriut, Kosova, Mali i Zi, Serbia dhe Turqia - Agjencitë e mbrojtjes civile dhe institucionet e menaxhimit të rrezikut nga katastrofat si koordinatorë kombëtarë me përgjegjësi për të dhënat e dëmtimeve të shkaktuara nga katastrofat, vlerësimin dhe kalibrimin e rreziqeve.

Komponentët teknikë:

1) Të dhëna për dëmtimet e shkaktuara nga katastrofat (Disaster loss data - DLD)
2) Vlerësimi i rrezikut (Risk assessment - RA)
3) Hartimi i rreziqeve dhe Atlasi Elektronik i Riskut Rajonal (Risk mapping and Electronic Regional Risk Atlas - ERRA)

Qëllimi:

Rritja e kapaciteteve të vendeve të Ballkanit Perëndimor dhe Turqisë për të forcuar menaxhimin e riskut të fatkeqësive duke krijuar një platformë të hapur për zhvillimin dhe përmirësimin e bazës kombëtare të të dhënave të fatkeqësive, për rritjen e koherencës midis sistemeve dhe metodologjive kombëtare, dhe përputhshmërinë me rregulloret ekzistuese të BE-së, udhëzimet dhe praktikat e mira.

Objektivi i Përgjithshëm:

Për të rritur kapacitetet e përfituesve për të siguruar menaxhimin e duhur të rrezikut nga katastrofat në nivel kombëtar, rajonal dhe të BE-së.

Buxheti: 2.999.250 Eur

Kohëzgjatja: 1 dhjetor 2016 – 30 nëntor 2019 (36 muaj)