Procedurë e kufizuar prokurimi, e klasifikuar në nivelin sekret, me objekt: “Modernizimi i sistemeve në interes të produkteve të inteligjencës (S1003)"

Ministria e Mbrojtjes, si autoriteti kontraktor, publikon, në bazë të urdhrit të prokurimit nr. 31, datë 02.06.2023 procedurën e kufizuar të prokurimit e klasifikuar ne nivel sekret me objekt kontrate: "Modernizimi i sistemeve në interes të produkteve të inteligjencës (S1003)” me fond limit 132.287.565 (njëqind e tridhjetë e dy milionë e dyqind e tetëdhjetë e shtatë mijë e pesëqind e gjashtëdhjetë e pesë) Lek pa T.V.SH.

Afati kohor për dorëzimin e kërkesave për pjesëmarrje: 22 nëntor 2023, ora 10:00.

Procedura prokurimi do të zhvillohet në bazë të Ligjit nr. 36/2020 “Për prokurimet në fushën e mbrojtjes dhe të sigurisë”, VKM nr. 1170, datë 24.12.2020 “Për miratimin e rregullave të prokurimit në fushën e mbrojtjes dhe të sigurisë” dhe VKM nr. 542, datë 29.9.2021 “Për rregullat, procedurat dhe kërkesat për mbrojtjen e informacionit të klasifikuar gjatë prokurimit në fushën e mbrojtjes dhe të sigurisë”.