Pavijoni i hollit qendror
Në hollin qendror, në hyrje të katit të parë të katit të parë të godinës janë vendosur drejtuesit politike; civilë dhe ushtarakë, të Ushtrisë Shqiptare që nga viti 1912. Po në hollin qëndror janë vendosur këndi i kulturës i Ushtrisë Shqiptare si dhe Raketa kundër ajrore SAM-2.
Në katin e dytë të godinës janë ekspozuar objekte që ilustrojnë sistemin arsimor ushtarak me gjashtë akademitë ushtarake: Akademia e Mbrojtjes, Akademia e Nënoficerave, Akademia e Aviacionit, Akademia e Marinës, Shkolla e Lartë e Bashkuar e Oficerave dhe Shkolla “Skënderbej”.
Gjithashtu këndi i sportit në Forcat e Armatosura këndi i Forcave Speciale dhe Trupave Komando.
Pavijoni i epokës, vitet 1470 -1939
Në këtë pavijon janë ekspozuar 300 objekte muzeale ku përfshihet periudha e Skënderbeut, Mesjetës, Rilindjes, periudha e Pavarësisë. Periudha e Skënderbeut ka bustin prej bronzi, topuzë origjinal, shpata origjinale, hark druri, heshta druri imitacion, gjyle guri të mëdha dhe të vogla të përdorura me katapultë. Periudha e Mesjetës ka jataganët e shekullit të XVI, topin relik të Tafil Buzit (periudha e Tanzimatit), pushkë “Karafile” me strall të mesjetës, shpata lufte dhe ceremoniale të shekullit XVI-XIX, top i rëndë dhe i mesëm i periudhës së mesjetës.
Pavijoni i Luftës së Ftohtë, vitet 1945 -1990
Në këtë pavijon janë ekspozuar 3200 objekte me vlera muzeale. Disa nga objektet kryesore në këtë pavijon janë pistoleta të llojeve të ndryshme të prodhimit gjerman, turk, italian, rus, kinez të përdorura në FA, pushkë, automatikë, mitralozë të kalibrave e llojeve të ndryshme, municionet dhe pajisjet e këtyre armëve, granatahedhëse kundërtank 40 mm, mortaja 60 mm dhe 82 mm, raketa kundërajrore, armë dhe municione të ndryshme të vendosura në arka ambalazhi, granata dore KK e KT, komplet minakërkues, elementë të drejtimit të zjarrit KA, raketa KA, pajisje të shëndetësisë, radiozbulimit dhe aparatura të ndërlidhjes.
Pavijoni i Luftës Nacionalçlirimtare (LANÇ) 1939 -1945
Pavijoni i Luftës Nacionalçlirimtare (LANÇ) 1939 -1945 ka të ekspozuara armatim trofe të ushtrisë italiane dhe gjermane të përdorur në Luftën Nacionalçlirimtare.
Ekspozime të objekteve jashtë godinës së muzeut
Në sheshin jashtë godinës së Muzeut të FA janë vendosur 50 objekte me vlera muzeale, teknikë luftarake të llojeve e kalibrave të ndryshme, avion-tank, transportues i blinduar, artileri tokësore të kalibrave të ndryshëm nga 75 mm deri 152 mm, maket katërsiluruesi, artileri kundërajrore të kalibrave të ndryshëm, kuzhinë fushore, mjete transporti etj.
Artikuj nga Newsroom
e mërkurë, 15 prill 2026
