Pavijoni i epokës, vitet 1470 -1939

Në këtë pavijon janë ekspozuar 300 objekte muzeale ku përfshihet periudha e Skënderbeut, Mesjetës, Rilindjes, periudha e Pavarësisë. Periudha e Skënderbeut ka bustin prej bronzi, topuzë origjinal, shpata origjinale, hark druri, heshta druri imitacion, gjyle guri të mëdha dhe të vogla të përdorura me katapultë. Periudha e Mesjetës ka jataganët e shekullit të XVI, topin relik të Tafil Buzit (periudha e Tanzimatit), pushkë “Karafile” me strall të mesjetës, shpata lufte dhe ceremoniale të shekullit XVI-XIX, top i rëndë dhe i mesëm i periudhës së mesjetës.

Armët e shekullit të XVII-XIX janë pushkë me mbushje baruti nga lart, e veçantë është një pushkë e rëndë që në atë periudhë ka shërbyer për pengimin e kundërshtarëve në hyrje të kështjellave. Periudha e Rilindjes ka pushkë të prodhimit italian, anglez, gjerman dhe austriak. E veçanta e kësaj periudhe është sepse u kalua në mbushjen e pushkëve me barut nga lart. Një element tjetër i veçantë i kësaj periudhe janë dhe dylbitë e kohës së Ali Pashë Tepelenës.
Periudha e Pavarësisë ka pisqolla e kobure artizanale të përdorura nga prijësit shqiptarë në shekullin e XVII-XIX, mbushës e kuti baruti, pushkë të periudhës së pavarësisë, prodhim gjerman, anglez, italian, austriak, ku veçojmë pushkën dhe revolverin italian me mulli të përdorur në këtë periudhë.

Një vend të veçantë në këtë pavijon zënë dhe fotot e “Marubit” në të cilat janë pasqyruar luftëtarë shqiptarë me kostumet e armët e ekspozuara nga të gjitha trevat e Shqipërisë. Në këtë pavijon është ekspozuar [eriudha e mbretit Zog I si komandant i ushtrisë shqiptare.