Pavijoni i Luftës së Ftohtë, vitet 1945 -1990

Në këtë pavijon janë ekspozuar 3200 objekte me vlera muzeale. Disa nga objektet kryesore në këtë pavijon janë pistoleta të llojeve të ndryshme të prodhimit gjerman, turk, italian, rus, kinez të përdorura në FA, pushkë, automatikë, mitralozë të kalibrave e llojeve të ndryshme, municionet dhe pajisjet e këtyre armëve, granatahedhëse kundërtank 40 mm, mortaja 60 mm dhe 82 mm, raketa kundërajrore, armë dhe municione të ndryshme të vendosura në arka ambalazhi, granata dore KK e KT, komplet minakërkues, elementë të drejtimit të zjarrit KA, raketa KA, pajisje të shëndetësisë, radiozbulimit dhe aparatura të ndërlidhjes.

Pajisje logjistike si gaveta, pagurë, lugë, pjata alumini, pajisje të mbrojtjes kundërkimike, aparat të ndryshëm degëzues, komplet të MKK, kundërgaz të llojeve të ndryshme, kundërgaz për kuajt, FHL; në sektorin e xhenios, komplet minakërkues, mina KK dhe KT metalike e bakeliti, mina surprizë, aparate minaplasëse, komplet çminimi, etj. Në sektorin e Forcave Detare, objekte si kostum polumbari, spirancë, fener orientues deti, makete anije luftarake dhe nëndetëse, etj. Në sektorin e Forcave Ajrore, maket kabinë avioni Mig-19, harta e aerodromeve shqiptare, etj.