Shqipëria është një ndër vendet e rajonit më aktive në kuadër të Nismave Rajonale, kjo jo vetëm për shkak të anëtarësimit të saj në shumë iniciativa rajonale, por ka statusin e vendit anëtar që në fazat fillestare të krijimit të tyre, duke krijuar dhe firmosur dokumentet e themelimit të dy nga iniciativat rajonale më të mëdha siç është SEDM dhe A5.
Gjatë vitit 2019, Shqipëria kryeson:
1. Iniciativën SHBA - Karta e Adriatikut (A5)
Shqipëria nën kryesimin e saj gjatë 2019 synon pikë së pari të aplikojë “Politikën e dyerve të hapura” në tre drejtime: për vendet vëzhguese në A-5; për çdo vend tjetër të rajonit që aspiron të jetë pjesë e A-5 dhe integrimi euroatlantik. Gjithashtu bashkëpunon dhe koordinon me vendet e rajonit, me mbështetjen e SHBA, promovimin e dialogut politik dhe fqinjësisë së mirë. Rritjen e bashkëpunimit për të hartuar politika kundër terrorizmit dhe dhunës e ekstremizmit radikal.
2. South - Eastern Europe Defence Ministerial (SEDM)
Baza e funksionimit të këtij procesi janë negocimi dhe konsensusi. Nëpërmjet Sekretariatit të SEDM, që luan rolin e moderatorit dhe katalizatorit, forumet e këtij procesi zhvillojnë një proces aktiv negocimesh. Këto negocime përfshijnë dy momente kryesore: takime informale (takime, korrespodenca, konsulta) dhe takime formale institucionale.
Takimet formale janë të institucionalizuar në takime të komiteteve politike (PMSC dhe SEDM-CC) dy herë në vit; në takime në nivel zëvendësshef/shefa shtabeve një herë në vit dhe në takime të ministrave të Mbrojtjes një herë në vit.
Gjithashtu zhvillohen takime të rregullta të eksperteve, takime të grupeve të punës si dhe takime të jashtëzakonshme.
Takimet thirren dhe menaxhohen nga Sekretariati i SEDM dhe mund të kërkohen nga vendet anëtare, apo nga forumet e SEDM.
Kryesimi i procesit të SEDM është me rotacion 2-vjeçar ndërmjet vendeve anëtare të PMSC:
2019 - 2021 Shqipëri
2017 - 2019 Greqi
2015 - 2017 Turqi
...
2001 - 2003 Rumania
1999 - 2001 Greqia
