Misioni:
Edukimi dhe informimi i personelit ushtarak dhe civil nëpërmjet veprimtarive artistike, sportive, sociale dhe kulturore, publikimeve dhe botimeve, pasqyrimit të aktiviteteve të Forcave të Armatosura, si dhe prezantimit të objekteve ushtarake me rëndësi kombëtare. Informimi i pandërprerë i opinionit publik mbi veprimtarinë e Forcave të Armatosura, si dhe përmbushja e objektivave social-kulturore, nëpërmjet zhvillimit të ceremonive dhe aktiviteteve shtetërore e civile, me qëllim promovimin dhe rritjen e impaktit të Forcave të Armatosura të RSH për të informuar ushtarakët dhe qytetarët lidhur me çështjet patriotike, civile dhe vlerat e lirisë dhe demokracisë dhe aktivitetet e Forcat e Armatosura, mban dhe prezanton objekte ushtarake me rëndësi kombëtare dhe historike.
Detyrat Themelore:
1. Të planifikojë, krijojë, menaxhojë, publikojë dhe shpërndajë materiale të shkruara të një cilësie të lartë tek media, për të informuar publikun dhe ushtarakët e FARSH, për çështjet e sigurisë, mbrojtjes, lirisë, demokracisë, politikës, edukimit dhe trajnimit brenda FARSH.
2. Të komunikojë, mesazhe të autoriteteve të komandimit strategjik të FARSH, për promovimin dhe ndërgjegjësimin nga publiku të personelit të FA, lidhur me zhvillimin e programeve në vazhdimësi.
3. Të organizojë dhe zbatojë aktivitete kulturore artistike, sportive për personelin e FARSH, familjet e tyre dhe publikun e tyre dhe publikun e jashtëm me qëllim përmirësimin e ndërgjegjësimit publik.
4. Të ofrojë shumëllojshmëri produktesh informative, kulturore dhe argëtuese për personelin e FARSH
5. T’i ofrojë medias shqiptare, lajme informacione, dokumentarë dhe programe për FA
6. T’i ofrojë publikut shqiptar produkte vizive duke përshkruar veprimtarinë e operacioneve luftarake dhe joluftarake të FA.
7. Të ofrojë informim në fushën e marrëdhënieve me publikun për personelin ushtarak e civil të FA.
8. Të planëzojë dhe organizojë veprimtari muzikore, joprotokollare, publike me Orkestrën Simfonike të FA, për pasurimin e jetës muzikore në vend.
9. Të promovojë vlerat e repertorit të muzikës ushtarake dhe krijimtarisë vendase në të gjithë aspektet e saj.
10. Të promovojë vlerat social-kulturor të komponentëve të ndryshëm të FA me një qasje të prekshme për publikun e gjerë.
11. Të përfaqësojë denjësisht FA me festivalet, aktivitetet, kompeticionet kombëtare dhe ndërkombëtare në bashkëpunim me strukturat e tjera homologe, pjesëtare të vendeve anëtare të NATOS.
12. Të krijojë mundësi shplodhëse duke vënë në dispozicion të strukturave të FARSH dhe ushtarkëve të gjitha burimet e saj materiale e mjedisore.
13. Të krijojë fondin arshivor artistik, kulturor e historik të strukturave të FA me anën e prodhimeve artistike, filmike e fotografike.
14. Të orientoje redaksinë për tematikën dhe idetë bashkëkohore nga të cilat udhëhiqen Forcat e Armatosura në rrugën e reformimit dhe modernizimit
15. Të zhvillojë dhe rekomandojë adoptimin e ligjeve përkatëse, rregullave për mbështetjen e punës së Muzeut.
16. Të administrojë dhe ekspozojë dokumentacionin, uniforma, materiale, fotografi dhe filmime, armatim dhe teknikë ushtarake që janë përdorur në FA.
17. Të bashkëpunojë me Arkivin Qendror të FA, për vendosjen në Muzeun e FA të dokumenteve historikë të rëndësishëm që pasqyrojnë veprimtarinë kryesore të FA.
18. Të bashkëpunojë me Muzeun Historik Kombëtar dhe muze të tjera për sigurimin e dokumenteve arkivorë apo dhe relikeve që mund të vendosen në Muzeun e FA.
19. Të botojë materiale figurative dhe publikime për pasqyrimin e përmbajtjes dhe veprimtarisë së Muzeut.
