Situata e zjarreve në vend, më 27 korrik 2023, ora 10:30.
Situata e zjarreve në territorin e vendit paraqitet më e mirë, gjatë orëve të fundit.
Pas një pune të gjatë të trupave të emergjencave civile në bashkëpunim me efektivë të FA, nën koordinimin e Agjencisë së Mbrojtjes Civile është bërë e mundur shuarja e pjesës më të madhe të vatrave.
Situata e zjarreve në vend, më 26 korrik 2023, ora 17:00.
Si rezultat i punës së pandërprerë të forcave të emergjencave civile, ndihmuar edhe nga efektivë të Forcave të Armatosura si dhe nën koordinimin e Agjencisë së Mbrojtjes Civile është arritur të përmirësohet situata në disa vatra zjarri në territorin e vendit.
Situata e zjarreve në vend, më 25 korrik 2023, ora 21.30.
Forcat e Armatosura dhe helikopteri Cougar, nën koordinimin e Agjencisë Kombëtare të Mbrojtjes Civile (AKMC) janë angazhuar gjatë ditës së sotme në aksionin e shuarjes së vatrave të zjarrit në Peshtan, Qafa e Shkozës dhe fshatin Kreshpan në njësinë administrative Cakran, të bashkisë Fier.
Ministri i Mbrojtjes Niko Peleshi thirri në një takim prefektët, kryetarët e bashkive si dhe drejtues të strukturave operacionale të Mbrojtjes Civile për të diskutuar në lidhje me masat për parandalimin e zjarreve gjatë sezonit të verës.
Në prani edhe të drejtorit të Përgjithshëm të Agjencisë së Mbrojtjes Civile Haki Çako dhe shefit të Shtabit të Përgjithshëm të FA gjeneralmajor Arben Kingji, ministri Peleshi kërkoi koordinim më të mirë të punës për përballimin e emergjencave në nivel vendor.
Ministri i Mbrojtjes, zoti Niko Peleshi, po zhvillon një vizitë zyrtare në Britaninë e Madhe. Ministri Peleshi u prit në një takim nga sekretari Shtetit për Mbrojtjen Ben Wallace.
Z. Peleshi shprehu mirënjohjen për mbështetjen që Ministria e Mbrojtjes së Britanisë ka dhënë për Forcat e Armatosura shqiptare. Nga ana e tij, sekretari Wallace shprehu gatishmërinë për intensifikimin e këtij bashkëpunimi në kuadër të Aleancës, por dhe në kuadër të bashkëpunimit dypalësh dhe rajonal.
