Në korrik të vitit 2002, u angazhua kontingjenti i parë i FA, në kuadër të forcave të koalicionit kundër terrorizmit në operacionin International Security Assistance Force (ISAF), në Kabul dhe duke vijuar gradualisht rritjen e përfaqësimit dhe shumëllojshmërinë e angazhimit në detyra, pothuajse në të gjitha komandat rajonale në Afganistan, si në Herat, Masari-e-Sharif, Shtabin Qendror ISAF (Kabul), Misione Trajnimi të NATO (Kabul dhe Herat), ekipe PRT (Masari-e-Sharif, Kabul), ekipe NTM-A (Kabul, Herat), ekipe OMLT (Kabul), ekipe shëndetësore, Forca Speciale në Kandahar dhe Trajnues të Forcave Speciale në Wardak.
Që nga fillimi e deri në përfundim të operacionit ISAF, FARSH kanë kontribuar me një total prej 3041 ushtarakësh.
Në vijim të angazhimeve politike të shtetit shqiptar në kuadër të luftës kundër terrorizmit, FARSH, janë angazhuar në operacionin ushtarak International Security Assistance Force (ISAF), të drejtuar nga NATO dhe në operacionin ushtarak “Enduring Freedom”, në Afganistan.
FA në misionin e NATO “ISAF”, Afganistan janë angazhuar në këtë operacion me tre lloje forcash:
1. Forca luftarake (Combat Forces)
2. Forca të mbështetjes së luftimit. (Combat Service Support Force)
3. Forca trajnuese të Ushtrisë Kombëtare Afgane. (ANA, Afgan National Army).
Në Korrik të vitit 2002, u angazhua kontingjenti i parë i FA, në kuadër të forcave të koalicionit kundër terrorizmit, në operacionin e NATO-s ISAF në Kabul, duke vijuar gradualisht rritjen e përfaqësimit dhe shumëllojshmërinë e angazhimit në detyra, pothuajse në të gjitha komandat rajonale në Afganistan, si në Herat, Masari-e-Sharif, Shtabin Qendror ISAF (Kabul), Misione Trajnimi të NATO (Kabul dhe Herat), ekipe PRT (Masari-e-Sharif, Kabul), ekipe NTM-A (Kabul, Herat), ekipe OMLT (Kabul), ekipe shëndetësore, Forca Speciale në Kandahar dhe Trajnues të Forcave Speciale në Wardak.
Më poshtë është shprehur më konkretisht kontributi me kontingjente dhe ekipe trajnimi i FARSH, sipas rajoneve dhe palëve me të cilat është bashkëpunuar në këtë operacion:
Më poshtë është shprehur më konkretisht kontributi i FARSH, sipas rajoneve dhe palëve me të cilat është bashkëpunuar në këtë operacion:
Kabul (në bashkëpunim me palën turke)
Kontingjentet janë përbërë nga një togë me 22 ushtarakë (kontingjenti I togë me 30 ushtarakë), nga strukturat e Batalionit të Forcës Speciale, Brigadës së Reagimit të Shpejtë, si edhe reparteve të Komandës së Forcës Tokësore.
Deri në 18 tetor 2012, kohë kur u përmbyll ky angazhim, FARSH ka angazhuar me mision në Kabul, 448 ushtarakë, duke vepruar në përbërje të kontingjentit të FA turke.
Kabul (në kuadër të A - 3)
Në korrik 2005 në kuadër të “Kartës së Adriatikut A - 3”, FARSH angazhuan në mision një ekip prej 4 ushtarakësh, në Kabul, në përbërje të grupit të përbashkët mjekësor nga Shqipëria, Maqedonia dhe Kroacia, nën komandën e trupës së Republikës Çeke.
Ekipi mjekësor shqiptar, përbëhej nga dy mjekë dhe dy infermierë. Në këtë mision morën pjesë 8 ekipe (rotacione), me gjithsej 32 ushtarakë, nga strukturat e BrRSH, KFB, SUQU dhe KM.
Kabul (ekip mjekësor)
Gjithashtu në korrik 2012, FARSH u angazhuan në mision një ekip prej 10 ushtarakësh, në Kabul, në këtë mision morën pjesë 2 ekipe (rotacione), me gjithsej 20 ushtarakë.
Herat (në bashkëpunim me palën italiane)
Gusht 2007, FARSH rrisin kontributin e pjesëmarrjes në operacionin ISAF, me një kompani nga strukturat e BrRSH, KFB, me 112 ushtarakë, në përbërje të kontingjentit italian në Herat. (7 kontingjente)
Gusht 2009, FARSH shtojnë kontributin e pjesëmarrjes në operacionin ISAF, edhe me një kompani nga strukturat e Regjimentit Komando, KFB me 110 ushtarakë, në përbërje të kontingjentit italian ne Herat. (3 kontingente shtesë)
Duke filluar nga muaji korrik 2010, të dy këto kontingjente u riorganizuan në një të vetëm (por pa reduktuar numrin), me 222 ushtarakë. (3 kontingjente), ndërsa 2 kontingjentet e fundit me nga 110 ushtarakë
Gjithsej, janë angazhuar me mision në Herat, 2000 ushtarakë, duke vepruar në përbërje të kontingjentit italian.
Kabul (ekipi OMLT)
Gusht 2011, FARSH rrisin angazhimin në misionin ISAF, me një ekip OMLT (i përbashkët me Gardën Kombëtare të shtetit të New Jersey), prej 32 ushtarakësh nga të cilët 20 ushtarakë të përzgjedhur nga strukturat e FA.
Transformimi dhe kalimi nga OMLT - A (Operational Mentor and Liaison Team in Afghanistan), në MAT – A (Military Advisory Team in Afghanistan), ishte i bazuar në ndryshimin e Konceptit Operacional (NATO ConOps) për trajnimin e Ushtrisë Kombëtare afgane, i cili u krye në tre mujorin e dytë të vitit 2013, nëpërmjet kalimit gradual të përgjegjësive nga ekipet OMLT - A tek ekipet MAT - A, të cilat kanë vepruar në komandat rajonale të operacionit ISAF, të drejtuar nga NATO, në Afganistan.
Gjithsej janë angazhuar në këtë mision 84 ushtarakë.
Kandahar (në bashkëpunim me palën amerikane)
Nga gusht 2010, FARSH rrisin kontributin e pjesëmarrjes në operacionin ISAF me një kontingjent nga Batalioni i Forcave Speciale, në përbërje të kontingjentit amerikan, për pjesëmarrje në operacione luftarake, ky kontribut ka vazhduar deri në gusht 2014.
Gjithsej janë angazhuar në këtë mision 374 ushtarakë.
Deri në mbylljen e operacionit ushtarak të NATO, ISAF, më 31 dhjetor 2014 kontributi i FARSH me kontingjente, ekipe trajnimi, ekipe mjekësore dhe përfaqësues në shtabe të ndryshme ka qenë 3041 ushtarakë.
