Eridon Kotrri

Këshilltar pranë ministrit të Mbrojtjes
2026 -

Eridon Kotrri është Këshilltar i Ministrit të Mbrojtjes të Republikës së Shqipërisë, detyrë të cilën e ushtron që prej datës 4 maj 2026.

Ai ka mbi 16 vite përvojë profesionale në fushën e komunikimit strategjik, marrëdhënieve me median dhe publikun, komunikimit institucional, si dhe organizimit të aktiviteteve, me një karrierë të ndërtuar në institucione të larta shtetërore, organizata ndërkombëtare dhe sektorin privat.

Gjatë karrierës së tij profesionale, ka mbajtur një sërë pozicionesh me përgjegjësi në administratën publike shqiptare.

Ka shërbyer si Këshilltar për Komunikimin pranë Ministrit për Evropën dhe Punët e Jashtme, Këshilltar për Komunikimin pranë Ministrit të Arsimit, Sportit dhe Rinisë, si dhe Këshilltar për Komunikimin pranë Zëvendëskryeministrit të Republikës së Shqipërisë.

Në këto funksione, ka qenë i angazhuar në hartimin dhe zbatimin e strategjive të komunikimit, marrëdhëniet me median, koordinimin e aktiviteteve, fushatave dhe nismave të ndryshme të komunikimit publik e institucional etj.

Një pjesë e rëndësishme e përvojës së tij profesionale lidhet me bashkëpunimin me organizatat ndërkombëtare dhe partnerët e zhvillimit.

Në kuadër të Programit “EU4Schools” – “BE për Shkollat”, të financuar nga Bashkimi Evropian dhe të zbatuar nga Programi i Kombeve të Bashkuara për Zhvillim në Shqipëri (UNDP Albania), z. Kotrri ka kontribuar për rreth 4 vite si Menaxher Komunikimi i këtij programi.

Në këtë rol, ka koordinuar aktivitetet e komunikimit dhe vizibilitetit, marrëdhëniet me median dhe promovimin e rezultateve të programit, me fokus të veçantë në përmirësimin e infrastrukturës arsimore dhe ndikimin e investimeve pranë komuniteteve përfituese.

Më herët gjatë karrierës së tij, angazhimi profesional i z. Kotrri përfshin gjithashtu sektorin privat ku ka mbajtur pozicione menaxheriale dhe specialisti në fushën e Marrëdhënieve me Publikun, Median dhe Marketingut – konkretisht pranë kompanive si Poliklinika Gjermane, ALBtelecom dhe Eagle Mobile.

Këto angazhime i kanë mundësuar të zhvillojë përvojë të gjerë në menaxhimin e marrëdhënieve institucionale, komunikimin strategjik, partneritetet dhe promovimin e imazhit dhe përgjegjësisë sociale të korporatave.

Eridon Kotrri është diplomuar në Shkenca Politike dhe Marrëdhënie Ndërkombëtare në Universitetin e Marmarasë, Stamboll, Turqi, në një program të zhvilluar në gjuhën angleze. Diploma e tij është njohur dhe njësuar nga autoritetet shqiptare të arsimit si Master i Shkencave.

Në vitin 2020-të, ka përfunduar me sukses programin e Shkollës Shqiptare të Studimeve Politike në Tiranë.

Zotëron gjuhën angleze dhe turke në nivel profesional, gjuhën italiane në nivel shumë të mirë, si dhe gjuhën gjermane në nivel mesatar.

Z. Kotrri është i martuar dhe ka një djalë.

This email address is being protected from spambots. You need JavaScript enabled to view it.