Drejtoria e Shifrës

Drejtoria e Shifrës (DSH) është strukturë e shtetit, përgjegjëse për zbatimin e masave të sigurisë kriptografike për mbrojtjen e informacionit të klasifikuar dhe për kontrollin dhe vlerësimin e sigurisë së emetimeve elektromagnetike të sistemeve.

Struktura e DSH është ndërtuar në përputhje me misionin dhe detyrat e saj, përcaktimet ligjore dhe nënligjore kombëtare, të dokumenteve përkatëse të NATO dhe njohjes së saj në strukturat homologe të NATO dhe ato të BE.

Drejtoria e Shifrës, strukturë në varësi të Ministrisë së Mbrojtjes, funksionon si tre autoritetet e mëposhtme të sigurisë:

1. Autoritet Kombëtar i Sigurisë së Komunikimeve (AKSK), përgjegjës për kontrollin e informacionit teknik kriptografik që lidhet me mbrojtjen e informacionit të klasifikuar dhe garantimin e përzgjedhjes, operimit dhe mirëmbajtjes së sistemeve, produkteve dhe mekanizmave kriptografikë;
2. Autoritet Kombëtar i Shpërndarjes Kriptografike (AKSHK), përgjegjës për menaxhimin e materialit kriptografik kombëtar, të NATO-s, BE-së dhe shteteve ose organizatave të huaja;
3. Autoritet Kombëtar TEMPEST (AKT), përgjegjës për kontrollin dhe vlerësimin e sigurisë së emetimeve elektromagnetike të sistemeve.

Në marrëdhëniet me strukturat homologe të NATO, të BE dhe ato dypalëshe me vendet e tjera, autoritetet e mësipërme njihen përkatësisht me shkurtesat:

1.NCSA (National Communications Security Authority);
2.NDA (National Distribution Authority);
3.NTA (National Tempest Authority).

Baza ligjore

Ligji dhe vendimet ku mbështetet veprimtaria e DSH janë:

- Ligji Nr. 10/2023, “Për informacionin e klasifikuar”.
- VKM Nr. 792, datë 28.12.2023 “Për miratimin e Rregullores “Për përcaktimin e rregullave dhe procedurave për sigurinë e informacionit të klasifikuar që trajtohet në Sistemet e Komunikimit dhe të Informacionit (SKI)””;
- VKM Nr. 690, datë 5.10.2011 “Për miratimin e Rregullores "Për mbrojtjen kriptografike të informacionit të klasifikuar 'Sekret Shtetëror'””.

Tel: 04 2 224 292.