Ndihmëssekretari amerikan i shtetit për Europën dhe Euroazinë, pret në takim ministren Xhaçka

e martë, 17 prill 2018 18:46

Ndihmëssekretari amerikan i shtetit për Europën dhe Euroazinë, Wess Mitchell priti sot në një takim zyrtar ministren e Mbrojtjes znj. Olta Xhaçka.

Takimi u zhvillua pak minuta pas deklaratës zyrtare të KE, e cila nuk kaloi pa u uruar edhe nga ndihmëssekretari Mitchell, i cili u shpreh se dita e sotme është një ditë për t'u festuar.

Gjithashtu ndihmëssekretari amerikan i shtetit vlerësoi kontributin e Shqipërisë në NATO duke u shprehur se Shqipëria është një partner i besueshëm i SHBA dhe garant i sigurisë në rajon.

Nga ana e saj, ministrja Xhaçka u shpreh se deri në vitin 2024, 2% e GDP do t’i dedikohet Mbrojtjes.

Ky takim është vazhdim i disa takimeve zyrtare që ministrja e Mbrojtjes po zhvillon në SHBA me ftesë të sekretarit amerikan të Mbrojtjes, James Mattis.