Mbas njoftimit të marrë nga organet e Ministrisë së Brendshme, grupi EOD i Batalionit të Xhenios zhvilloi me sukses operacionin për neutralizimin e rrezikut të një arsenali prej 74 predhash të zbuluara në oborrin e shtëpisë së një banori në fshatin Manati, të njësisë administrative Kolsh, Bashkia Lezhë.
Sasia e predhave të kalibrave të ndryshëm, ku dominonin predha të kalibrit 150 mm me peshë 50 kg, ndodheshin prej dhjetëra vitesh të groposura në atë zonë.
Grupi EOD, bëri ekzaminimin në vend të predhave, konform masave dhe rregullave të sigurimit teknik ku pasi përcaktuan shkallën e rrezikshmërisë, bënë transportimin e tyre për t’i asgjësuar në një nga poligonet e certifikuar për asgjësimin e predhave të këtij kalibri.
VIDEO:
© Ministria e Mbrojtjes 2024 - Të gjitha të drejtat e rezervuara.