Specialistët e Batalionit të Xhenios, Komanda Mbështetëse, Forcat e Armatosura, realizuan pak minuta më parë shembjen përmes shpërthimit të kontrolluar të një ndërtese 6-katëshe në zonën e njohur si Shkëmbi i Kavajës në Durrës.
Specialistët xhenio në bashkëpunim me Inspektoriatin Kombëtar të Mbrojtjes së Territorit (IKMT) prej disa ditësh punuan për kryerjen e punimeve përgatitore për shembjen e pallatit, të konsideruar si të pabanueshëm si pasojë e tërmetit të 26 nëntorit 2019. Kati i parë i godinës ka qenë tërësisht i shkatërruar gjë që ka vështirësuar punën e parapërgatitur të forcave xhenio.
Që prej tërmetit xhenierët kanë kontribuar në eliminimin e rrezikut, në zonat ku ka pasur objekte të dëmtuara rëndë, duke shembur 13 prej tyre dhe duke i hapur rrugë planit të qeverisë për rindërtimin.
VIDEO
© Ministria e Mbrojtjes 2024 - Të gjitha të drejtat e rezervuara.