Reagim më i shpejtë dhe rritja e aftësive operacionale. Ky është synimi i stërvitjes së koduar “SAR 2022”, ku marrin pjesë efektivë të forcave të ndryshme të FA.
Qendra Kombëtare e Kërkim Shpëtimit zhvilloi Konferencën për Specifikimet Teknike (EXPEC) të kësaj stërvitjeje. Kryetari i QKKSH Kolonel Fiqiri Hoxha prezantoi përpara pjesëmarrësve qëllimin e stërvitjes i cili konsiston në përmirësimin dhe rritjen e aftësive operacionale të të gjitha strukturave që kanë deklaruar kapacitete operacionale për Kërkim Shpëtim në Planin Kombëtar të Kërkim Shpëtimit në Republikën e Shqipërisë, testimi i aftësive planëzuese dhe komandim-kontrolli i operacioneve të kërkim-shpëtimit (SAR) në një ambient me shumë aktorë, me fokus reduktimin e kohës së reagimit nga strukturat SAR; si dhe testimi i Procedurave Standarde të Veprimit gjatë zhvillimit të operacioneve të Kërkim Shpëtimit në Det, në tokë dhe në ujërat e brendshme të vendit.
© Ministria e Mbrojtjes 2024 - Të gjitha të drejtat e rezervuara.