Ministri i Mbrojtjes Niko Peleshi mirëpriti në një takim komandantin e Brigadës së Evropës Juglindore (SEEBRIG), gjeneral brigade Bilbil Bitri dhe stafin që e shoqëronte.
Teksa i shprehu edhe një herë urimet gjeneral Bitrit për marrjen e detyrës së Komandantit të SEBBRIG, ministri Peleshi ritheksoi dhe njëherë qëndrimin e Ministrisë së Mbrojtjes në mbështetje të plotë të çdo iniciative rajonale, e cila promovon fqinjësinë e mirë, vlerat demokratike, angazhimin e përbashkët për paqen dhe sigurinë në rajon dhe më tej.
Ministri Peleshi e siguroi komandantin e SEEBRIG për mbështetjen që Shqipëria i jep Iniciativës së SEDM dhe Brigadës së SEEBRIG; rezultat i kësaj mbështetje është përmbushja e të gjitha detyrimeve dhe plotësimi i kritereve të vendit tonë kundrejt këtyre angazhimeve rajonale.
Ministri i Mbrojtjes i kërkoi komandantit të SEEBRIG angazhimin e tij, por dhe të gjithë stafit të brigadës në identifikimin e mundësive të reja për rritjen e vizibilietit të SEEBRIG dhe angazhimin e kësaj brigade në misione dhe operacione kryesisht në kuadër të NATO, por dhe në kuadër të organizatave të tjera ndërkombëtare.
Nga ana tij, gjeneral brigade Bitri falënderoi ministrin e Mbrojtjes për kontributin dhe mbështetjen e vazhdueshme të Shqipërisë ndaj iniciativës së SEDM dhe SEEBRIG.
Komandanti i SEEBRIG dhe stafi që e shoqëron ndodhen në Shqipëri në kuadër të vizitës vlerësuese, që SEEBRIG kryen në inspektimin e njësive ushtarake të FARSH të deklaruara në SEEBRIG.
© Ministria e Mbrojtjes 2024 - Të gjitha të drejtat e rezervuara.