Zjarret në Dropull e Finiq, ndërhyjnë dy avionë Canadair ndihmë nga Greqia

e mërkurë, 10 korrik 2024 11:12

Fotogaleria

Dy avionë të tipit Canadair CL - 415 të Forcave Zjarrfikëse të Greqisë po ndihmojnë forcat e emergjencave civile gjatë operacionit për shuarjen e zjarrit në bashkitë Dropull dhe Finiq.

Avionët grekë, vijnë si mbështetje për Shqipërinë përmes Mekanizmit Evropian të Mbrojtjes Civile dhe i bashkohen përpjekjeve të Forcave tona të Armatosura, zjarrfikësve, punonjësve të emergjencave civile dhe strukturave vendore që prej 2 ditësh po luftojnë me flakët atje.

Ministri i Mbrojtjes Niko Peleshi shprehu mirënjohjen ndaj qeverive italiane dhe kroate, të cilat shprehën gatishmërinë për të sjellë mjete ajrore.

Situata me zjarret në bashkinë Dropull është nën kontroll, por puna vijon për izolimin e të gjitha vatrave, për të shmangur mundësinë e riaktivimit të tyre.