Gjeneralmajor Arben Kingji inspekton Qendrën e Arsimimit Profesional të Ushtarëve në Bunavi

e enjte, 24 tetor 2024 16:28

Shefi i Shtabit të Përgjithshëm të Forcave të Armatosura, gjeneralmajor Arben Kingji, vizitoi Qendrën e Arsimimit Profesional të Ushtarëve (QAPU) në Bunavi, Vlorë, ku janë duke u zhvilluar disa kurse institucionale, përfshirë Stërvitjen Individuale Bazë (SIB), Stërvitjen Individuale të Avancuar (SIA), Kursin e Përgatitjes së Oficerit të Ri (KPO) dhe programin e vitit të parë për studentët e Fakultetit të Mbrojtjes dhe Sigurisë (FMS).

Gjeneralmajor Kingji u prit nga komandanti i Akademisë së Forcave të Armatosura (AFA), gjeneral brigade Bardhyl Nuredinaj dhe komandanti i QAPU nënkolonel Bujar Fejzo.

Gjatë inspektimit të mjediseve dhe infrastrukturës stërvitore e arsimore, ai u takua me rekrutët, ushtarët, kursantët dhe studentët, të cilëve, përveç falënderimeve, iu kërkoi të rrisin nivelin e trajnimit dhe të përkushtohen për përballimin e sfidave të përbashkëta.