Gradohen 15 kolonelë të rinj të FA, ministri Vengu: Investimi te kapitali njerëzor, objektiv kryesor

e martë, 24 dhjetor 2024 14:20

Ministri i Mbrojtjes z. Pirro Vengu, i shoqëruar nga shefi i Shtabit të Përgjithshëm të FA gjenerallejtënant Arben Kingji, mori pjesë në ceremoninë e prezantimit në detyrë të zëvendësshefit të Shtabit të Përgjithshëm të FA gjeneral brigade Altin Kurti dhe vendosjes së gradave të 15 kolonelëve të rinj të Forcave të Armatosura.

Ministri i Mbrojtjes e cilësoi këtë një ditë të veçantë, ndërsa vlerësoi përkushtimin e tyre në realizimin e detyrave.“15 kolonelë të rinj shtojnë edhe më shumë peshën dhe cilësinë e trupave tanë, të cilët mbeten të angazhuar për të ruajtur sigurinë e vendit dhe për të mbajtur lart flamurin shqiptar në misionet dhe detyrat ndërkombëtare. ‘Pasurimi’ i Forcave të Armatosura nuk është vetëm sasior, por edhe cilësor, ndërsa investimi tek kapitali njerëzor mbetet objektiv kryesor i Ministrisë së Mbrojtjes”, - u shpreh ministri Vengu.

Në këtë ceremoni të veçantë, u theksua rëndësia e angazhimit të vazhdueshëm për përmirësimin e aftësive dhe përgatitjes profesionale të ushtarakëve, duke e bërë Forcën e Armatosur një trupë më të fortë dhe të përgatitur për sfida të ndryshme. Ky moment i rëndësishëm shënon një hap të madh përpara në zhvillimin e sigurisë dhe mbrojtjes kombëtare.

Ushtarakët e graduar:

kolonel Ajet Jata;
kolonel Dritor Papa;
kolonel Genti Bardhi;
kolonel Juljan Dulemata;
kolonel Vladimir Jaupi;
kolonel Luli Florini;
kolonel Agron Shehi;
kolonel Përparim Arriku;
kolonel Sulo Mustafaraj;
kolonel Agron Kuta;
kolonel Armand Shtëmbari;
kolonel Luljeta Tafani;
kapiten i rangut I Dritan Seraj;
kapiten i rangut I Artan Malo;
kapiten i rangut I Arjan Collaku.