Gradohen "nënkolonel" gjashtë oficerë të Ministrisë së Mbrojtjes

e enjte, 26 dhjetor 2024 20:31

Gjashtë oficerë të Ministrisë së Mbrojtjes morën gradën "nënkolonel", në një ceremoni të zhvilluar në mjediset e ministrisë.
Të pranishëm në këtë ceremoni ishin zëvendësministri i Mbrojtjes z. Dorian Tola, sekretari i Përgjithshëm, drejtues të administratës së MM, kolegë dhe bashkëpunëtorë të personelit të graduar.

Gradimi shënon një moment të rëndësishëm në karrierën e tyre ushtarake dhe është një vlerësim për përkushtimin dhe realizimin e detyrave, që sjell gjithashtu përgjegjësi të reja dhe më të mëdha për të ardhmen.

Pak ditë më parë u graduan me gradën "kolonel" 15 personel të Forcave të Armatosura.