Festë në Bazën Ajrore të Farkës, pilotët dhe teknikët surprizojnë të vegjlit

e hënë, 30 dhjetor 2024 14:23

Fëmijët e efektivëve të Forcës Ajrore festuan këtë vit në një mënyrë të veçantë, duke kaluar një ditë të paharrueshme në mjediset e bazës ajrore, në Farkë. Në këtë aktivitet ishte i pranishëm edhe komandanti i Forcës Ajrore gjeneral brigade Ferdinant Dimo.

Fëmijët e efektivëve patën mundësinë të shijojnë surprizat e shumta, të përgatitura enkas për ta, me rastin e festave te fundvitit.

Një moment i veçantë i kësaj feste ishte zbritja e babagjyshit nga helikopteri, i cili solli dhurata për fëmijët, duke i lumturuar ata dhe krijuar një atmosferë magjike.
Aktiviteti jo vetëm që ofroi gëzim, por shërben si një mënyrë e forcimit të lidhjes mes efektivëve dhe familjeve të tyre, duke nxjerrë në pah më shumë vlerat njerëzore, si solidariteti dhe dashuria.