Efektivët e BMEC, të angazhuar në aksionin për heqjen e ujit të grumbulluar nga reshjet, në Vlorë

e mërkurë, 22 janar 2025 14:24

Efektivët e Batalionit Mbështetës të Emergjencave Civile (BMEC) të Komandës Mbështetëse kanë vijuar pa ndërprerje operacionin për shkarkimin e ujit të grumbulluar nga reshjet intensive të ditës së djeshme, në qytetin e Vlorës.

Dy motopompa me kapacitet të plotë janë në funksion të plotë në Hidrovor, duke garantuar menaxhimin sa më të shpejtë të situatës.

Angazhimi i personelit të FA ka për qëllim minimizimin e pasojave dhe përmirësimin e kushteve për banorët e zonës.

Përpjekjet do të vazhdojnë deri në përfundimin e plotë të operacionit.

Agjencia e Mbrojtjes Civile dhe Ministria e Mbrojtjes mbeten të angazhuara në ndihmë të komunitetit.