FA në ndihmë të komunitetit, përfundon ura bailey në fshatin Lapardha 2, Berat

e mërkurë, 05 shkurt 2025 10:48

Forcat e Armatosura të Shqipërisë vazhdojnë të ofrojnë mbështetje për zhvillimin dhe përmirësimin e kushteve të jetesës, përmes ndihmës direkte në komunitet. Një tjetër urë bailey, është dorëzuar së fundmi, si një investim i rëndësishëm për banorët e fshatit Lapardha 2 në Berat.

Specialistët e Kompanisë së Urave të Batalionit të Xhenios kanë punuar intensivisht për më shumë se dy javë për ndërtimin e urës me gjatësi 27 metër dhe kapacitet mbajtës prej 40 ton. Ky projekt është një shembull i përkushtimit të Forcave të Armatosura për të ndihmuar dhe përmirësuar infrastrukturën në zonat më të izoluara të vendit. Kjo është ura e dytë bailey që ndërtohet nga Batalioni i Xhenios gjatë vitit 2025.
 
Gjatë muajve në vijim, Forcat e Armatosura do të vazhdojnë të ndihmojnë me ndërtimin e 10 urave të tjera në zona të ndryshme të vendit, duke dëshmuar dhe konfirmuar vazhdimësinë e kontributit të madh të FA në mbështetje të zhvillimit të komuniteteve.