Anija “Butrinti” shpëton një gomone me 32 emigrantë nga Afganistani

e premte, 07 mars 2025 11:21

Gjatë patrullimit në detin Egje, në orët e para të mëngjesit të kësaj të premteje, anija Butrinti realizoi një operacion shpëtimi (SAR), duke i ardhur në ndihmë një gomoneje me 32 emigrantë nga Afganistani, e nisur nga Çeşme me destinacion ishullin Chios.

Pak ditë më parë anija “Butrinti” u erdhi në ndihmë 36 emigrantëve të paligjshëm nga Lindja e Mesme, të cilët lundronin me gomone drejt Greqisë.

Brenda katër ditëve të fundit, janë shpëtuar gjithsej 70 emigrantë, duke dëshmuar angazhimin dhe gatishmërinë e saj për të garantuar sigurinë dhe shpëtimin e jetëve në ujërat ndërkombëtare.