Shqipëri - SHBA, stërvitje e përbashkët me dronë në Zall - Herr

e martë, 11 mars 2025 12:15

Efektivë të Forcave të Armatosura të Shqipërisë dhe ushtarë e aviatorët e Gardës Kombëtare të Nju Xhersit kanë zhvilluar një stërvitje të përbashkët.

Fusha e futbollit në Zall Herr u kthye në një pistë për dronët. Të përdorur jo vetëm për qëllime ushtarake, këta dronë mund të ndihmojnë në monitorimin dhe kontrollin e zjarreve.

E pranishme në këtë stërvitje ishte edhe e ggarkuara me punë e Ambasadës së SHBA znj. Van Horn, e cila vëzhgoi ekipet tona duke punuar krah për krah, duke pilotuar dronët dhe duke u trajnuar me kompaninë e mortajave të Forcave të Armatosura të Shqipërisë.

Kjo stërvitje thekson rëndësinë e bashkëpunimit të ngushtë midis Forcave të Armatosura të Shqipërisë dhe SHBA-së, në forcimin e kapaciteteve dhe gatishmërisë për të përballuar sfidat e përbashkëta.