Gjenerallejtënant Arben Kingji, vizitë zyrtare në Itali

e premte, 25 prill 2025 11:29

 Me ftesë të shefit të Shtabit të Mbrojtjes të Italisë gjeneral Luciano Portolano, shefi i Shtabit të Përgjithshëm të FARSH gjenerallejtënant Arben Kingji zhvilloi një vizitë zyrtare në Itali.

Fotogaleria

Gjatë takimit, me gjeneral Portolano, gjenerallejtënant Arben Kingji shprehu mirënjohjen për mbështetjen e vyer të një vendi mik i Italia për Forcat tona të Armatosura, e cila ka ndikuar në forcimin e kapaciteteve tona operacionale dhe në rritjen e ndërveprueshmërisë.

Duke i cilësuar si të vecanta marrëdhëniet mes dy vendeve tona, gjenerallejtënant Kingji u shpreh se kjo reflektohet edhe në bashkëpunimin ushtarak, si në planin dypalësh, në atë rajonal, ashtu edhenë kuadër të Aleancës së NATO-s.

Më tej gjatë takimit, të dy homologët diskutuan mbi situatën e sigurisë në rajon e më gjerë, ndërsa vlerësuan se prania e KFOR në Kosovë është dhe mbetet e rëndësishme për një rajon të qetë dhe të sigurt.

Gjenerallejtënant Arben Kingji dhe gjeneral Portolano gjatë takimit komfirmuan vullnetin për thellimin më tej të këtij bashkëpunimi, si në kuadër të iniciativave rajonale e stërvitjeve të përbashkëta, po ashtu dhe në frymën e familjes së planeve të Shkurajimit dhe Mbrojtjes së NATO-s.