Shqipëria dhe Turqia nëshkruajnë protokoll bashkëpunimi në Mbrojtje

e mërkurë, 23 korrik 2025 14:51

Në përmbyllje të vizitës në Turqi, ministri Vengu dhe homologu turk Güler nënshkruan amendimin e “Protokollit të Asistencës Financiare”, i cili do të mundësojë pajisjen e forcave shqiptare me sisteme artilerie 105 mm.

Protokolli përmirëson gjithashtu kuadrin ekzistues të bashkëpunimit dhe zgjeron fushën e mbështetjes përtej asistencës materiale, duke përfshirë trajnime, seminare, logjistikë, transport dhe mbështetje institucionale.

Ky dokument i ri do të kontribuojë drejtpërdrejt në përmirësimin e infrastrukturës, rritjen e kapaciteteve operacionale dhe forcimin e edukimit profesional të personelit të Forcave të Armatosura të Shqipërisë.